وكنت انظر اليه وهو يطير فرحا فإنه بعد سويعات قليله سوف يقابل امه الحبيبة الغالية فغنيت له .......
وباشوفك يامروح
فى عبايه ومرحرح
لجدورك بتحن
للنخلة والزرعة
للخضرة والماية
وحمامك فى البن
طاير متشوق
للعيله واللمه
وفطيرة فى الفرن
لنسايم مروية
بعبير الفلاحة
وريحة الجرن
لعيونها الحيرانة
على السكة بتدور
اه ياوُلََييٍد فين طيفك هتجن
ده وليدى ياصباياافندى ومتعلم
ليه صيته فى البندر ماعرف بيفن
بستنى اسبوعى ...
لميعادك بدموعى..
اوعى تنسانى...
لااناههدىولا اكن ....
الا اما تجينى...
وتلملم فى حنينى...
واخدك بالحضن...
ولتوك تنادينى.....
اناجيت لك ياامايا.....
ياعايشه جوايا.......
ودعاكى ملاحقنى ...
بيخفف من الهم
انا جى لحداكى ....
متشوق لغناكى......
وشوقك وحنانك.......
لعضاى بيضم.........
بكفوفك ترقينى .....
وتهدهد فى حنينى.....
وبركتك تحمينى
من الناس والجن .....
