الجمعة، أبريل 03، 2009

تاج الصراحة

تاج انا جالى تاج من ابو العريف صديقنا العزيز

وتحت التهديد والضغط الارهابى من الحرامى اللى كان حد مش فاهم حاجة وبقدرة قادر كده اتحول الى ابو العريف اضططرنا نحن ً بس خلاص ً بالاجابة عن الاسئلة اللى جايه
اسمى: بس خلا ص اعرفكم بنفسى اكثر زى عمنا صلاح جاهين ما قال
أنا اللي بالأمر المحال اغتــــــــــــوي
شفت القمر نطيت لفوق في الهـــــوا
طلته ما طلتوش إيه انا يهمنـــــــــي
و ليه .. ما دام بالنشوة قلبي ارتوي
عجبي
اسم مشهوره بيه: اسماء كثير جدا احبهم الى قلبى رضوىاو( ام هند )


سنك : هسيب برضه عمنا صلاح جاهين يرد المره دى
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبى
مجال دراستى : كتييييييير انا درست فى اكثر من مجال لدرجة ان الناس اللى حوليا بيقولوا لى انتى غاويه وجع قلب


درست اتصالات الكترونية وتكنولجيا -درست ادارة اعمال - حتى فى الثانويه درست علمى علوم ورياضة وادبى شفتوا بقا غاوية وجع قلب ورغم ذلك مؤمنه جدا بأن العلم فى الراس مش فى الكراس علشان كده مخى محشى حاجات كتييييييييير .........

اسم مدونتى : ووووووووووولايهمك لصاحبتها بس خلاص
الصورة اللى فى مدونتى بتعبر عن ايه :
صورة بنوته حلوة شقيه بتفكرنى بأيام الطفولة بينى وبينكم انا كنت طفله شقيه جدا جداا
هل فكرت فى اغلاق المدونه :
لحد دلوقتى لا .. لكن لو لحظه حسيت اننى فقدت حب الناس هقفلها فورا لان اكثر حاجة بتسعدنى هى حب الناس باحس ان دى ثروة لايمكن تعويضها


لو حد كتب تعليق مش مناسب او تعليق خارج لا سمح الله:

طبعا هيكون مصيره التجاهل والحذف وبعدين هقعد افكر بينى وبين نفسى ليه صاحب التعليق كتب كده......؟؟؟
اسوء مدونه: لسه مادخلتهاش ولو دخلتها صدفه هخرج بسرعه واكفى على الخبرماجور


هيحصل ايه للايميل بتاعك لما تموت...؟

طبعا مش هلاقى رد اجمل من رد ابو العريف هستلفه منك ياهندسه


ما يولع اعمله ايه
ههههههههههههههه
انا هبقي فاضي للاميل

اديت الباسوورد بتاعك لحد ...؟
ساعتها مش هيبقا با ص ووورد هيبقى باص وسط البلد


السفربالنسبه لك ايه ...؟



طبعا زمان قالوا للسفر سبع فوائد وده شئ حقيقى اما من وجهة نظرى لو عايز تتعرف على شخصية انسان صاحبه فى السفر.. باحب السفرواعشقه لكن بخاف من الغربه

المود بتاعك ؟
طبعا ده سؤال صعب جدا وممكن يخلينى ما اعرفش اعدى الامتحان ده... امممم !!!! السؤال ده بيفكرنى بأغنيه اسمها ساعات ساعات يعنى ساعات اكون مجنونه وثائرة وساعات ابقى هادية ومتأمله وطبعا اكتر كلام بلاقيه بيعبر عنىفى اغنيتين بحبهم جدا اغنية ايمان البحر درويش واسمها( عرفتينى) وكمان اغنية المطرب السعودى محمد عبده اسمها( مجموعة انسان) ياريت تسمعوهم هتلاقونى باسمعهم معاكم عشان نتعرف على بعض اكتر .


بتعملى ايه فى وقت فراغك ؟
ماعنديش فى الوقت الحالى والحمد لله وقت فراغ ولكن لو لاقيت وقت فراغ بناااااااااااااااااااام الله عليك يانوم... يانوم يانوم
اقولكم بقا حكمه على الماشى بتقول ( ماأحلى النوم لو استطعنا اختيار الاحلام )



الأكلة المفضله :
الأكلة المفضله طبعا كل نعم ربنا حلوة والحمد لله والاكله المفضله هى اللى بناكلها واحنا مع الناس اللى بنحبها بس بينى وبينكم بقا انا بموووووت فى الطعميه السخنه

الصفات اللي ورثتها عن والدى:
رحمه الله والدى هو مثلى الاعلى كان استاذا بالجامعة وكان يكتب الشعر والادب وكان يجيد اكثر من لغة وكانت شخصيته قويه جدا.. واذا تركت لنفسى العنان سأكتب فيه دواوين رحمه الله توفى فى سن مبكره جدا .
الصفات اللي ورثتها عن والدتك ..؟
امى شخصيه عنيده جدا شخصيتها قويه وذات عزيمه واصرار لاتسطيع ان ترجعها عن شئ اقتنعت به
اراها فى نظرى اقوى شخصيه قابلتها ....ولقد ورثت عنها الاصرار ولكننى حاولت ان اداوى نفسى من العناد .
اكثر ست اشياء اكرهها : طبعا اولهم ابو العريف اللى ورطنى فى هذا التاج وخلانى قاعده عرقى مرقى زى مابيقولوا لا طبعا ابو العريف ده مدون محترم جدا وانا اكن له كل التقدير

ولكننى لن ادعى المثاليه بس فعلا اكثر شئ اكرهه فى حياتى الكذب ثم الكذب ثم الكذب ثم الكذب
لان الكذاب شخص جبان وانا اكره الجبن واذا كنت جبان ستصبح منافق وانا اكرهالنفاق وكفايه كره بقا نرجع لباقى الاسئله
شخصيتك نوعها ايه....؟ ماحدش يقدر يحكم على شخصيته ولكن المحيطين والمتعاملين مع الانسان هما اللى يقدروا يحكموا وممكن تعرفوا شخصيتى من اجاباتى مثلا وانا كمان جاوبت فى سؤال المود بتاعى....
لماذا دخلت عالم التدوين ...؟ ارشدتنى اليه صديقتى ماعلينا ولاقيته عالم جميل جدا بس هى جابتنى هنا وخلعت .. بحبها جدا وبحبكم كلكم ...
اجمل كلمه اتقالت في وصف مدونتك.....؟طبعا اى حد بيكتب عندى تعليق باحس ان هو اجمل كلمة اتقالت لانه بيعكس وجهة نظر تستحق التقدير ولكن صديقى العزيز صاحب مدونة هو مش نو كتب عنى بوست جميل جداسمه (بس خلاص كلها اخلاص )ا ارجو منكم انكم تزوروا مدونته وتقروه اعتز جدا بهذا البوست واعتزبصاحبه

اهميه التعليق بالنسبه لى

: طبعا النعليق شئ مهم جدا وهو ده اللى بيدى للمدونه روح وبيعكس احساس الناس بيك وكما ن بتقدر تقيم نفسك من خلال التعليقات وكمان بتتعرف على شخصيات الناس من خلال تعليقاتهم وطبعا لتعليق هو رمز التواصل بين المدونين

احسن بوست كتبته :

لسه ماكتبتهوش لانى دايما عندى الشعور بأن بداخلىالكثير وباحاول اخرج ده فى البوستات ولكننى فى النهايه اشعر بالعجز عن التعبير
افضل بوست قرأته ..
.؟ليه بقا السؤال اللى يزعل ده عايز تشعل الفتنه بينى وبين حبايبى يابو العريف .. كل بوست قريته اضاف الى الكثير فعلا بدون مجامله بادخل بوستات باموت فيها من الضحك والاقى الهم من قلبى اختفى وكمان بوستات حالمه تطير بيك فوق السحاب وبوستات كلها ثقافة ووعى وتنم عن شخصيات محترمه وعاليه الثقافة بالاضافة الى مدونات الفنانين والرسامين اللى بتلاقى عندهم الراحة النفسية وممكن تقرا شخصيتك فى لوحاتهم طيب ازاى بعد كل الجمال ده تقدر تميز مين افضل

فى النهاية احب اختم كلامى بكلمتين من عجايب عمنا صلاح جاهين لوسمحتولى
ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
وعجبى
............
يأسك و صبرك بين إيديك و انت حر
تيأس ما تيأس الحياه راح تــــــــمر
أنا دقت مندا ومندا عجبي لقيــــــت
الصبر مر و برضك اليـأس مـــــــر

امرر التاج لمين

بصراحة دى تجربة صعبه جدا لا اريد ان افرضها على حد معين لكن اى صديق يحب يعرفنا اكثر عليه ويعتبر دى دعوة مفتوحة لاحبابى اللى يحب يتفضل ويبقى على رأى المثل جنت على نفسها براقش

السبت، مارس 21، 2009

رسالة امومة



ابنتى ...ابنى ..
ابناء العمر حلو المر ...ثبات الصبر.. اليكم كلمتى التى لااعرف لها حروف تبتديها .. اليكم ضحكتى التى لااعرف لها ثغر يحتويها ... اليكم ومنكم فرحتى ودفء حنانى ... شمعة انا
....انتم لها النور اذوب توهجا فى بريق اعينكم ... اليكم آالام تصغر عندما تكبر فيكم الامانى ... استنشق فيكم زهور ربيع العمر الذابل ..
اتلمس فى اناملكم الصغيرة حنان برقته يمحو الحرمان
عيونكم البريئة يتراءى فيها حلم وردى لم اعد اراه منذ زمن بعيد
ماذا اهديكم فى يوم الام .....؟؟؟

دموع العين فترتوى بها ظمأ الايام .. قلب صغير يلملمه حب كبير ....وامان اتلمسه ويدى تطبق على ايديكم الصغيرة لتختبئ بين اناملكم .
سأحط بمجدافى الحائر فى بحركما ويكون صدرى هو الشطآن
اتذكركم فى المهد ملائكة تلتف روحى حولكم تهدهكم وتعدكم بمستقبل افضل
كنوز العمر...
هناك ام تدخر كل شئ تملكه او لاتملكه اليكم ...فتهبكم عمر لم تعشه .. وحب لم تجده .. وحنان افتقدته الا فى وجودكم
امى ....يالها من كلمة تطرب لها الآذان ويخفق لها القلب فتنعشه وتبعثه من مرقده الدائم
واعلم انكم لحظة البكاء ستكونون دمعة تغسل مقلتى فتصفو بها الروح .. وحين يميل الغصن ستكونوا انتم قوامتى وسندى
ولكم منى وعدا اقطعه على نفسى .. فلن يكون حبى لكم قيدا عندما ترسو بكم الايام على شاطئ امان..... وعندما ارتضى لكم غيرى نبع حنان .. وعندما تسأمون احضانى وتقولوا امنا قد كبرنا نريد ان نعيش الحياة بدون احسانك .. سأنسحب فى هدوء دون ملالة او هوان
ويبقى لكم من العمر كله .. ومن القلب حبه .. ومن الجسد روحه ولكم قبل كل شئ من الرب حفظه
يارب عمره مايبقى بين اى ام واحبابها اى كلمة بس خلاص

الاثنين، مارس 09، 2009

وٍُلد الهدى

دعاء من كتاب دلائل الخيرات بمناسبة المولد النبوى الكريم فادعوه معى
========================
اللهم صلى على محمداً نور الهدى والقائد الى الخير والداعى الى الرشد نبى الرحمة وإمام المتقين ورسول رب العالمين لا نبى بعده , كما بلغ رسالتك ونصح لعبادك وتلا آياتك وأقام حدودك ووفى بعهدك وأنفذ حكمك وأمر بطاعتك ونهى عن معصيتك اللهم اللهم ابلغه منا السلام
ا للهم صلى على ملائكتك المقربين وعلى انبيائك المطهرين وعلى رسلك المرسلين وعلى حملة عرشك وعلى جبريل وميكائيل واسرافيل وملك الموت ورضوان خازن جنتك ومالك وصلى على الكرام الكاتبين وصلى على اهل طاعتك اجمعين من اهل السموات والارضين .
اللهم صلى على محمد خير البرية صلاة ترضيك وترضى بها عنا اللهم صلى على محمد وعلى اله وصحبه وسلم تسليما كثيرا طيبا مباركا فيه جزيلا جميلا دائما بدوام ملك الله اللهم صلى على محمد وعلى آل محمد ملء الفضاء وعدد النجوم فى السماء
اللهم انى اسألك بحقك العظيم وبحق نور وجهك الكريم وبحق عرشك العظيم وبما حمل كرسيك من عظمتك وجلالك وجمالك وبهائك وقدرتك وسلطانك وبحق اسمائك المخزونة المكنونه التى لم يطلع عليها احد من خلقك .. اللهم انى اسألك بالاسم الذى وضعته على الليل فأظلم والنهار فاستنار وعلى السموات فاستقلت وعلى الارض فاستقرت وعلى الجبال فأرست وعلى العيون فنبعت وعلى السحاب فأمطرت ,
واسألك اللهم بالاسماء المكتوبه فى جبهة اسرافيل وفى جبهة جبريل عليهما السلام وعلى الملائكة المقربين , واسألك اللهم بالاسماء المكتوبه حول العرش وبالاسماء المكتوبه حول الكرسى واسألك اللهم بالاسم المكتوب على ورق الزيتون واسألك اللهم باسمائك العظام التى سميت بها نفسك ماعلمتنا منها وما لم نعلم ان تصلى على نبيك محمد..
اللهم اشرح بالصلاة عليه صدورنا ويسر بها امورنا وفرج بها همومنا واكشف بها غمومنا واغفر بها ذنوبنا واقض بها ديوننا واصلح بها احوالنا وبلغ بها امالنا وتقبل بها توبتنا
فأسألك يالله ياالله ياالله ياحى ياقيوم ياذا الجلال والاكرام لا الاه الا انت سبحانك انى كنت من الظالمين
اللهم استجب وتقبل وبلغ حبيبنا محمد منا السلام

السبت، فبراير 28، 2009

صورة الطائر من رسم شريف

عجباً لتلك العصفورة المسكينة التى تحاول الفرار من قسوة الاسر وظلمته بصغارها
فاعترضها من يهوى الصيد ويجيد الرمى..... ليصيبها بسهام الغدرويتركها تنزف .....ليأتى صاحب الاسر لينزع السهام من صدرها ويطعنها بها الف الف مرة دون رحمة اوشفقة .....حتى على الصغار
والان لاهى من الاحياء فتنعم بالحياه ولا هى من الاموات فتنعم بالرحمة ...


عصفور كروان عجبك فى الفضا صدى صوته
بغصن زيتون اخضر شاورت له وبالوفا منيته
و بوهم الامان بنيت له بالامل حيطان بيته
يابن ادم ظالم عشمته بالدفا وغشيته
اتاريك مخادع عايز تتسلى بحواديته
بجناح مكسور اسير من النور للعتمه شديته
ينوح لك بصوت مخنوق جريح فى الوحده خليته
عايزه يديك الحنان ليه بسهام القسوة رميته
نادم
بتقوله يطير يغنى بس خلاص ما اندبح صوته



الاثنين، فبراير 23، 2009

شخصيات وامثال

التهارده نبعد شويه عن المواضيع الدسمة والحوارات والتفكير والمشاكل ونحاول نقول حاجات خفيفة كده
ونحاول نجد علاقة بين الشخصيات والامثال .......
ابن خلدون عالم الاجتماع..... ( الجواب يتقرى من عنوانه )
عنتر بن شداد .......قالوا (رايح بيت عدوك ليه قلت حبيبى فيه)
قيس بن الملوح ... (الرجل تدب ماطرح ماتحب)
فان جوخ العبقرى المجنون ...( الحلو مايكملش )
جحا ...... قالو عد غنمك ياجحا قال واحدة قايمة وواحدة نايمة
ابو الطيب المتنبى ... ( يا ارض اتهدى ماعليكى ادى )
ارسين لوبين ..( يسرق الكحل من العين )
ابو النواس ...( سلامة الانسان فى حلاوة اللسان )
نجيب الريحانى ...( اضحك والضحك رخيص قبل مايغلى ويتعبى فى قراطيس )
جرهام بل مخترع التيفون .....(الزن على الودان امر من السحر )
الصينى كونفوشيوس ( ابو الحكمة .... مقتاح السر كلمة ومفتاح البطن لقمه )
اوباما ...( لاتحكم على الكتاب من عنوانه )
فى الاخر بقا اسمعوا بيرم التونسى بيقول ايه
قالوا ايه يعوذ بن ادم قلت شقه
وقالوا ايه مراد بن ادم قلت طقه
وقالوا ايه يعجل مماته قلت زقه
وقال تقدر تحوشه قلت انا لاءه
بس خلاص

الأربعاء، فبراير 04، 2009

وداعا شعبان

قصة اليوم قد تبدو غريبه او بسيطه ولكنها تركت بنفسى اثرا عميقا لا ولن انساه ماحييت.....
عندما كنت كعادتى فى رحلة عمل باحدى قرى شمال الدلتا النائيه والمعزوله عن كل مظاهر الحضارة والمدنيه هى قرية بكر بكل مافيها من طبيعة وبشر ..فهم اوناس فعلا بفطرتهم ... وبينما نحن نمارس مهام عملنا وجدته يقف هناك بعيدا ينظر الينا بكل تركيز ودهشه.... متسائلا من هؤلاء الناس وماذا يفعلون ولماذا اتوا الينا ..... لفتت نظرى براءة غريبه فى ملامحه ودهشته
انه شعبان فتى يقارب عمره 14 عام ولكنه كان من ذوى الاحتياجات الخاصة ورايت كيف كان اطفال القريه يسخرون منه ويرجمونه بالطوب ضاحكون واحيانا يشدونه من ملابسه وهو لايعلم اى ذنب ارتكبه حتى يعامله الجميع هكذا .... ذهبت مسرعه اليه واخذته من يده وابعدت عنه الاولاد والصبيه وحذرتهم من ان هذه الافعال سوف تغضب الله منهم وانهم لن يكبروا ويصيروا رجال اذا فعلوا هذا به مرة اخرى ..
ثم اصطحبته واجلسته بجانبى بعد ان احضرت له منضده خاصه به ووضعت له كل ماطلبه من مأكولات يسعد بها الاطفال فى سنه ... فرح شعبان جدا واخذ ينظر لكل اطفال القريه نظرة فخر واعتزاز بالنفس كأنه يريد ان يقول لهم الان ....والان فقط انا افضل منكم جميعا الان عندى كل شئ وانتم تنظرون من بعيد..... فقط لاتملكون ما املكه انا الان ....
وفى اليوم التالى بينما نحن منشغلون بالعمل سمعت صوت ينده من بعيد وكأنه يستغيث (مه ...مه ...مه ) نظرت وجدته هو..... انه ينادينى من بعيد ليشتكى الى مافعله به الاطفال مره ثانيه هذه الحروف الغريبه (مه) فهو يقول لى بلغة اهل القريه (امه ... امه ) لقد شعر شعبان اننى امه وانه اتانى مسرعا يشتكى من اقرانه وكأنه يشتكى لامه .....
ذهبت اليه مسرعه وكررت ما فعلته معه بالامس واخذته بجانبى ليمضى معى اليوم كله وهو يتدلل كما لوكان يتدلل على امه...... تارة يطلب عصير واخرى طعام وشاركنا حتى فى شرب الشاى شعرنا انه منا وبادلنا نفس الشعور ......كنت اعرف انه لم يشعر بسعاده واهتمام مثل ذلك من قبل عرف شعبان بان من حقه ان يكون انسانا كريما كما خلقه المولى عز وجل.
وانتهى العمل واستعد الجميع للرحيل وجاءت السيارة لتحمل فريق العمل الى العودة حيث اتينا ... ولكن وقف شعبان اما م السياره رافضا ان تتحرك وهو يصرخ ....مه ...مه.... وكانه يريد ان يقول لما تتركينى يا امى بعد ان وجدتك
فاضت الدموع من عين شعبان البريئه الصادقة وبكيت وانا لا اعلم ماذا افعل وكيف اتصرف ...فليس لى اى حق فى اصطحابه او الاحتفاظ به.....
نزلت اليه ومسحت على راسه وقلت له لاتحزن ساعود اليك يوما ولكن فقط تذكرنى ...فانت من اهل الجنه فاذا وجدت نفسك يوما فى مكان افضل وعالم افضل من عالمنا فقط تذكرنى ... لعل الله يرحمنى بتذكرك هذا
وتحركت السيارة واخذ شعبان يتباعد حتى تلاشى من امامنا ...
لااعلم قد يكون موقفى سلبى اذ تركته ورحلت اشعر الان اننى كان لابد ان افعل شئ ما ولكن ....

الأربعاء، يناير 14، 2009

ياربى ادعوك



احبائى فى الله اليكم دعائى فادعوه معى

ياربى اتوسل اليك

توسل يونس فى اعماق بطن النون

ومعجزات عيسى بقدرتك كن فيكون

ورزق مريم يأتها من حيث لايعلمون


ودعاء موسى باليم يطارده فرعون



يارب ابكى اليك


بكاء يعقوب لفراق يوسف حزين

وتأوه ابراهيم صبرا فى نار الحاقدين

وورع صالح داعيا وهم لناقته عاقرين

بصبر نوح ناجيا بالفلك واهله المؤمنين


ياربى ادعوك ويملانى اليقين



بالحبيب محمد صادق الوعد الامين

واسوة به النور الهادى المبين

بالحق ثابتا يقسم بجلالك اليمين


وإن وضعوا
القمرفى اليسار والشمس عن اليمين



لن نترك دينك الحق

حتى تنصره او نكون دونه من الهالكين


ياربى ادعوك والعمر بالفرح ضنين.....


بان تعز الاسلام وترفع شأن المسلمين


وتنصر اهل غزة الصابرين المرابطين

وتخلص الامه من بطش جبار لعين



اللهم استجب وتقبل دعاء المؤمنين المخلصين

آمين ...آمين ....آمين