الأربعاء، أكتوبر 22، 2008

شخصيات وكلمات







هناك فى الخيال شخصيات نتأثر بها وتظل محفورة بداخلنا ونأخذها معنا فى ذاكرتنا وتؤثر فى تكوين شخصيتنا سواء بالسلب او بالايجاب ومن هذه الشخصيات
جدتى زليخبار

هذه السيده التى كان لها عطر طبيعى يفوح برائحة الخضرة والنماء وكأنها الاهة فرعونية اتت من الزمن البعيد لتجد على جبينها حضارة كل الفراعين صاحبة القوام الممشوق كأنها تطاول اعمدة المعابدالفرعونية عزة وخيلاء....ذات الوجه المصرى الاصيل والابتسامة المشرقة بنور شمس النهار وكأن النور ينسكب من عينيها ليضئ دنيتى الصغيرة .

نعم اتذكرها سيدة القرية ومحور العائلةوكأن كل نساء العالم توحدن فى جمالها وذكائها وقوة شخصيتها لتتضائل الى جوارها كل ملكات التاريخ بدءا من الملكة نفرتارى وكليو باترا ..هكذا كنت اراها واتذكرها ولن انساها

تلك الفلاحة البسيطة التى وهبها الرحمن حكمة من بحر لقمان وايمان وورع فطرى كانت تشتهر بأم العبد وذلك بأن لها سبعة من الولدان اسمتهم جميها بالعبد( العبد الحامد ,عبدالرحمن , عبد المنعم .... الخ حتى الفتاه الوحيدة التى رزقت بها اسمتها الجارية آمنه )
اتذكرها عندما كانت تعلم بيوم زيارتنا اليها فتخرج الى اول الطريق المؤدى الى القرية فاتحة زراعيها وكأنهماجناحين انبسطا من ملاك الرحمة والحنان لتحتوينا انا وأخوتى لتلقى بنا فى بحر الحنان شعور لم اجده عند غيرها .. عندما كنت اجلس بجانبها وهى تطهى الطعام لتؤثرنى بما لذ وطاب .
اتذكرها عندما كانت تقف فى وسط الحظيرة فتعرف صوتها الاوزات والحمام فى الابراج ليلتف حولها مرفرفا بجناحيه كأنه يريد ان يحملها على جناحيه ليطير بها فرحا .... وهى تربت على ظهر الماشية فى حنان وشفقة لتدر لها لبنها وخيرها ..
اتذكرها عندما كانت تجلس فى اخر ركن من المنزل الكبير وهى تهمهم بتسابيح واذكار وصلوات معتزلة الجميع وهى تقول لهم الان اتركونى وربى ونقاطعها نحن كل احفادها عندما نرتمى على حجرها الدافئ لتبتسم حانية وتقول الان مسابقةمن منكم يعلمنى كيف اتوضأ وكيف اصلى فاعطيه قطعة كبيرة من الحلوى ... هكذا علمتنى باسلوب تربوى عظيم هكذا عرفت منها قصص الانبياء عندما كانت تذهب بى الى حجرة نومها وتحكى لى وكأنها شهرزاد الاميرة جاءت من اساطيرها لتعلمنى بالحواديت والحكايات
وعنما كبرت وتعلمت كيف اكتب وجدتها قد رحلت فكتبت اليها هذه الكلمات وكنت اتمنى ان اقرأها عليها ولكننى اهديها اليها .....


الى جدتى والى كل فلاحة مصرية....

ودى صاحية الفجرية

عالسكة الزراعية للخطوة بتمد ..

بتردد فى اغانى....
ترانيمها عجبانى ...
بقرتها بتشد.........
لبنها المحلوب......
والخير المسكوب...
فى اوانى ماتتعد.....
بترتب فى الدار ...
بترش الدوار ....
.بمايه من الورد...

بتملى فى القله ...
بتدعك فى الحلة ....
لمعانها من الفضة ...
دى شطارة وبجد......
وطبيخها الفواح........ ...
وادى عيشها الرحراح .....
فى طعامته ماله حد.......

بتضم فى الغلة ...
وغداها فى مشنه ...
والرب له الحمد......

لصغيرها المولود ...
حنانها ماله حدود.....
لرضيعها فى المهد....
ضليله لراجلها ...
بيريح فى غصونها...
الحيل اللى اتهد.......
بتشتل فى امالها...
وبتزرع لعيالها....
الخير والمجد ....
مش بس خلاص.. للحديث بقية.....

هناك 35 تعليقًا:

ما علينا يقول...

الله الله الله

عظمة على عظمة يا ست

كل دا كان فين

اعمق حنان واجمل زمان
زمانهم

الفطرة السليمة
ناس لا عفوا تليفزيون ولا نت ولا اي تكنولوجيا

كانوا متوحدين مع الطبيعة
منتظرة ايه منهم

لم يطولهم التلوث كما طالنا

انت هتخلينا بقى نقول كلام مش حلو ونغلط في التكنولوجيا والتقدم

ويقولوا علينا متخلفين ورجعيين

وكمان ايه

دقة قديمة

بابا وماما دقة قديمة

بس مش اوي انا امى دلوقت عارفة ان الدنيا فيها حاجة اسمها نت

وبتعتبره شيء شرير لانه دايما واخدنى وبيسهرنى للصبح


خلينا كلامك الحلو

على فكرة مش غريبة ابدا ان جدتك تكون جميلة جدا اكيد طالعة لك

من شابهت حفيدتها فما ظلمت
وتلك الجدة كانت لتلك الحفيدة تحبي اشهد مجتمع البولجريه كله

احطلك صورة هنا

خلاص بقى كفاية ضحك مش هاحط بلاش تتوردى خجلا كدا

بس بجد بجد الكلمات الغنائية تحفة

سيبك من الهم اللي انت فيه

وخليكي في الطريق دا

شوفتى اديني رغيت دي طبعا عادتى كل البلوجرية اصحابي عارفنها


انى رغاية وصاحبة التعليقات الطويلة بالمتر



سؤال اخير

انا مش ضامنة اشوفك او حتى افتكره

جدتك فعلا اسمها

زليخبار

دا له علاقة بزليخا الجميلة

ياريت تنزلى بالترجمة قريب



وبلاش غلاسة على مخاليق ربنا

والغى حكاية تاكيد الكلمة دا
ولا هو دا شكل من اشكال الارتقاء بالمدونة

انا شايفة انها غلاسة وغتاتة على الزائر وهتطفش منك الزباين


ولا انت حضرتك لك وجهة نظر تانية

بس خلاص ... يقول...

غاليتى..ماعلينا
هكذا انتى دائماتشجعيننى وتجعلينى اشعر بأننى قد ملكت الدنيا وان كل الاشياء جميله ولها قيمة ... ولكننى اخطأت خطأ لم اتداركه سوى الان هو اننى نسيت ان اهدى هذه الكلمات الى والدتك الحبيبة ... جايز علشان هى مش فلاحة مصرية .. ولكنها اعظم واعمق من كل كلماتى ......
كده اللى هيقرا الكلام هيقول اننا بنجامل بعض ... لكن اقسم ان هذا هو مايكنه قلبى ..وانا اكذب كل من يقول انه ليس هناك صداقة حقيقية.
واحب اقول برضة لكل اللى هيقرا انك كتير نقدتيننى نقد جرئ وصعب فى اشياء كثيرة ولكننى اعلم ان هذه محبة وخوف على وقمة الصدق ....وهذه هى الصداقة
فالصديق الحق مرآة صديقة سواء كانت صورة جميلة او غير ذلك...

على فكرة جدتى كان اسمها فعلا زليخبار
مش عارفة ابوها كان مثقف اوى فسماها الاسم ده ولا ايه وانا سألت كتير فى العيلة بس ماحدش فادنى على العموم انا بحبها وخلاص

القلم السكندري يقول...

ما اجمل البرِ والوفاء

ثلاثيةٌ جميلة


تنمُّ عن ودٍ صادق

وقلمٍ رقيق


تحياتي

ولك جزيل الشكر علي جميل زيارتك

klmat يقول...

مشاعر جميله لجده حنونه الله يرحمها الناس الطيبه دى بتدى حب وحنان تقائى وعفوى علشان كده بتدخل قلوبنا ونفضل نترحم عليها . على قد جمال المشاعر جمال الكلمات اللى اختارتها رائعه
الله يرحمها ويديكى طول العمر وتكونى جده جميله
تسلم ايدك

Beram ElMasry يقول...

الاخت . بس خلاص
السلام عليكم ورحمه الله
رحم الله جدتك وامى وكل فلاحة ’، نبع الحنان وحضن الامان ، لو اوليت عملك مزيد من العناية لابدعت كثيرا
لك شكرى لك ولا تحرمينى الزيارة

blue-wave يقول...

جميله الكلمات
وجميل وفائك لجدتك
تحياتى

fashkool يقول...

أهلا أهلا بيك نورت عندى وياريت زياراتك ما تنقطع وتكونى من زباين الفشكلول .. حقيقه اسعدتنى زيارتك أما بالنسبه للست الفلاحه فحدثى ولا حرج فهى رجل البيت وست البيت وست الدار ايضا وفى الغيط تلاقيها زى الاسد جنب جوزها وفى الدار زى الفراشه دايما تحوم حول اولادها وشعرك هايل وبالتوفيق

الكحيان يقول...
أزال المؤلف هذا التعليق.
الكحيان يقول...

وأنا أقرأ كلماتك العِذَاب، شعرت كأن جدران غرفتي الأسمنتية، قد انبثق منها فجأة أريج الريف وعطره، وأني أستنشق رائحة الثرى النفاذة المحببة، وأسمع زقزقة العصافير، وخرير الماء، وخوار البقر، وثغاء المعز، ورغاء النوق، وخشخشة المحاصيل الجافة، وحفيف أوراق الشجر.... أرى براءة الأطفال ولطفهم، وسذاجة الريفيين المحببة وطيبتهم .. الله الله كل هذه المشاهد استصحبتها بلا إرادة وأنا أقرأك .. فنعم العيش عيش الفطرة، ونعم الجدة جدتك، ومرحى مرحى لقلمك الشاعر الذي يقطر عذوبة ورقة وشهدا . سعدت بمعرفتك وأشكر لك مرورك.

بس خلاص ... يقول...

القلم السكندرى
شكرا على ذوقك الرفيع وشكرا على مروركم الكريم ... انشاء الله نتواصل فى الافكار والكلمات الجميلة

بس خلاص ... يقول...

الى اجمل وارق كلمات
سعيده جدا لمرورك بالمدونة وسعيده لتشجيعك المستمر
لكى كل الحب

بس خلاص ... يقول...

الاستاذ الكريم ... بيرم المصرى
طبعا دى محاولة متواضعة حاولت ان اعبر فيها عن حبى وتأثرى بشخصية جدتى العظيمة
شكرا لمروركم وتشجيعكم لنا

بس خلاص ... يقول...

الاستاذالكريم بلو ويف
سعيدة جدا لمروركم وتشجيعكم وانشاء الله نكون عائلة تدوينية جميلة

بس خلاص ... يقول...

الاستاذ العظيم فشكول
حقيقى انا مبهورة جدا بشخصيتك وخفة الدم الرهيبة وكمان عمق التفكير والمشاعر التى وهبك الله اياها
نورتنى واتمنى انك تنورنى على طول

بس خلاص ... يقول...

الاستاذ كحيان .. ولو انه اسم مش على مسمى انت غنى بأفكارك وشخصيتك الغنية جدا جدا واسلوبك السهل الممتنع زى مابيقولو
فخورة جدا بيكم جميعا
مع ارق تحياتى

كباريه يقول...

بسم الله مشاء الله اقسم بالله العظيم أنك فنانة موهوبة بجد ، لقد اخذني وصفك الجميل لجدتك وعاد بي الي ذكريات قديمة تذكرت فيها جدتي ام والدتي التي تنتطي قعليها كل صفات جدتك رحمهما الله ، أما القصيدة فرائعة اسلوب جميل وتمكن لغوي ومختصرة ومعبره
فأنا ايضا أنتمي الى اصول ريفية وجدتي بل ووالدتي ايضا كانت محور العائلة

===========
لكن لماذا لم تشرحي لنا معني أسم جدتك ؟

بس خلاص ... يقول...

سعيده جدا بمرورك صاحبة اجمل وارقى كباريه
زليخبار ... كان اسم زوجة العزيز فى قصة سيدنا يوسف عليه السلام
وهو اسم مصرى قديم
تحياتى

a7mad Nabeel يقول...

السلام عليكم
لوحة فنية جميلة من قلم مبدع

اول زيارة لي الى هذه المدونة المميزة و ان شالله لن تكون الاخيرة :)
اسلوب مميز و قلم مبدع
المستقبل المشرق ينتظرك اختي :)

واحدة مفروسة يقول...

حلو اوي الجواب الشعري و لا الزجلى
اللى انتى كاتباه لجدتك زليخبار
انا جيت ارد الزيارة
و بالمرة كل سنة و انتى طيبة
اصلك عقروبة زيي
يعنى يا عيد ملادك فات
او اليومين دول
او لسة جاي
ههههههههههههه
كل سنة و انتى بصحة و سلام
و ماتنسيش الجاتو و الحاجه الساقعه
و ياريت ساندويتش لحمه بالمره
سلام

بس خلاص ... يقول...

مفروسة هانم
مرحبا بيكى نورتينى ... قبل ماقولك على تاريخ ميلادى اللى هو 2/11 يعنى عدى وفات وبقا عندى كده يجى عشرتاشر سنه عايزه اسألك عن مدونة صبرنى يارب وبنت الغربة مش عارفة ادخل عندهم مش عارفة ليه
بلغيهم سلامى وقوليليهم ان دى حاجة فرسانى انى مش عارفة اتواصل معاهم
اسيبك بقا براحتك البيت بيتك يا احلى فرسة

الكحيان يقول...

بس خلاص لقد أضحكتني وأوجعتي بطني من الضحك الشديد وأنا أتخيل منظري الكوميدي الذي رسمتيه لي في التعليق على تدوينتي - الله يخرب بيتك - بس خلاص كفاية أرجوك ... ههههههههههههه... وحلوة وحد الله ، وربنا على الظالم المفتري خاصة من أصحاب الياقات البيضاء وأنا معك أضم صوتي لصوتك وأقول بس خلاص للظلم في كل مكان

شفقة هانم واحسان بك يقول...

مدونتك جميلة بجد
وأسلوبك راقي ومشوق
بداية موفقة وإن شاء الله دايما

بس سيبك من كل ده
مش تقوليلنا تميتي كام سنة ؟؟
ولا دي كمان فيها أسرار ؟؟
كل سنة وانت أطيب طيبة

تحياتي
إحســـان أبو زمل

بس خلاص ... يقول...

استاذ احسان ..سعيده جدا انك نورتنى وسلامى لشفقه هانم
وبعدين بالنسبة لسن الستات انت ماسمعتش عبحليم وهو بيقول افهم فى اللوغاريتمات والنسبية والذرة الا عمر الستات ..ز
طيب اسألك بقا انا سؤال بذمتك انت تعرف شفقة هانم عندها كام سنه
انا عارفة ان عمرها لايزيد عن 22 سنة زى انا كده من 150 سنة عمرى مازادش عن 22 سنه
مش باقولك لوغاريتمات على كل حال شرفتنا وآنستنا

ياسر حسين يقول...

اشكرك على زيارتك الكريمة لمدونتي
ويرجع عدم ظهور تعليقك وقت كتابته الى اننى اضع بمدونتى ادارة للتعليقات
يتم عرض التعليق على اولا ثم يتم عرضه بعد الموافقة عليه ولو رجعتي غلى تعليقاتك القديمة ستجدينها قد ظهرت وسوف تجدين ردي عليها ايضا

خالص تحياتي

رابطة هويتي اسلامية يقول...

ندعوكم للمشاركة معنا في رابطة " هويتي إسلامية "

لا تكن بخيلا وشارك معنا لنهضة التدوين

كون معنا أول شبكة تواصل في عالم التدوين

كلنا نتفق في الغاية نختلف في الأسلوب

هيا.................. كن أول المشاركين

رابطة هويتي إسلامية

بس خلاص ... يقول...

استاذ ياسر
سعدت جدا جدا جدا ان حضرتك شفت تعليقاتى وانها لم تذهب هباء

وشرفتنى جدا بزيارتك

اشكرك على الاهتمام بتعليقاتى المتواضعة جدا
مع تحياتى

رابطة هويتي اسلامية يقول...

جزاك الله خيرا علي زيارتك للرابطة ونتمني دوام الزيارة والانضمام

اولا من نحن فستعرفين في جلسة التعريف بالمجلس الاستشاري بعد ان يكتمل المجلس الاستشاري وينتخب اعضاءه..

اما بخصوص الشرط....

فنحن قلنا وسنقول لك ان تفعل ما يحلو لك في مدونتك ما دمت لا تخالف الاسلام اما في الرابطة فنحن نتحدث علي الاسلام عامة وشاملا كل شئ كما وضحنا في مجموعة الشعارات في المدونة انها تحوي كل شئ من جميع الطوائف والافكار ما دام لا يخالف الاسلام...


ومرحبا بك مرة اخري وجزاك الله خيرا

هويتي

fashkool يقول...

بس خلاص .. هى مش لها الاسمين دول بس هذا قول وهذا قول .. وان شاء الله حاكتب الحلقه الثانيه يوم الاثنين او الثلاثاء ان شاء الله بس انا بكتب المسوده وابحث فى الكتب التاريخيه عن المعلومات الموثقه عشان ما حدش يقول جايب الكلام ده منين .. بس يا بنتى والله انا كنت فاكر العمليه ساهله وبعدين الجماعه الكحيان ورئيس التحرير وماهى الشال نفخونى وانا اتنفخت وعملت فيها الجبرتى .. بس جت على دماغى .. على العموم ربنا المعين .. تحياتى

رابطة هويتي اسلامية يقول...

جزاك الله اضعاف الخير

وتم بالفعل قيدك في قائمة المجلس الاستشاري

بارك الله في ايجابيتك

نتمني اضافة الشعار الي مدونتك مع اللينك


هويتي

الحب كما ينبغى أن يكون يقول...

مدونة جميلة

fashkool يقول...

يا بس خلاص .. فيينك يا بنتى .. انا قلت لك على اصل اسم زليخا .. يالله بقى اعملى حاجات جديده عشان نقول عندك .. شدى حيلك

اقصوصه يقول...

حديث ممتع

بانتظار البقيه:)

بس خلاص ... يقول...

شكرا اقصوصة على ذوقك وتشجيعك وزياراتك الجميلة

بس خلاص ... يقول...

والله ياسى فشكول مش عارفة اقولك ايه على المعلومات الجميله دى
باين الواحد هيعرف على ايديك العجب

باقولك ايه شفت شهرزاد... طيب قولى ايه رايك بدون مجاملة وووولايهمك

بس خلاص ... يقول...

رابطة هويتى
شكرا على هذه الثقة الغالية وانشاء الله نعمل سويا لمافيه الخير ومايرضى عنا المولى عز وجل