السبت، مارس 21، 2009

رسالة امومة



ابنتى ...ابنى ..
ابناء العمر حلو المر ...ثبات الصبر.. اليكم كلمتى التى لااعرف لها حروف تبتديها .. اليكم ضحكتى التى لااعرف لها ثغر يحتويها ... اليكم ومنكم فرحتى ودفء حنانى ... شمعة انا
....انتم لها النور اذوب توهجا فى بريق اعينكم ... اليكم آالام تصغر عندما تكبر فيكم الامانى ... استنشق فيكم زهور ربيع العمر الذابل ..
اتلمس فى اناملكم الصغيرة حنان برقته يمحو الحرمان
عيونكم البريئة يتراءى فيها حلم وردى لم اعد اراه منذ زمن بعيد
ماذا اهديكم فى يوم الام .....؟؟؟

دموع العين فترتوى بها ظمأ الايام .. قلب صغير يلملمه حب كبير ....وامان اتلمسه ويدى تطبق على ايديكم الصغيرة لتختبئ بين اناملكم .
سأحط بمجدافى الحائر فى بحركما ويكون صدرى هو الشطآن
اتذكركم فى المهد ملائكة تلتف روحى حولكم تهدهكم وتعدكم بمستقبل افضل
كنوز العمر...
هناك ام تدخر كل شئ تملكه او لاتملكه اليكم ...فتهبكم عمر لم تعشه .. وحب لم تجده .. وحنان افتقدته الا فى وجودكم
امى ....يالها من كلمة تطرب لها الآذان ويخفق لها القلب فتنعشه وتبعثه من مرقده الدائم
واعلم انكم لحظة البكاء ستكونون دمعة تغسل مقلتى فتصفو بها الروح .. وحين يميل الغصن ستكونوا انتم قوامتى وسندى
ولكم منى وعدا اقطعه على نفسى .. فلن يكون حبى لكم قيدا عندما ترسو بكم الايام على شاطئ امان..... وعندما ارتضى لكم غيرى نبع حنان .. وعندما تسأمون احضانى وتقولوا امنا قد كبرنا نريد ان نعيش الحياة بدون احسانك .. سأنسحب فى هدوء دون ملالة او هوان
ويبقى لكم من العمر كله .. ومن القلب حبه .. ومن الجسد روحه ولكم قبل كل شئ من الرب حفظه
يارب عمره مايبقى بين اى ام واحبابها اى كلمة بس خلاص

هناك 64 تعليقًا:

أبو العريف يقول...

ايه داااااااااااااااااااااه
اول تعليق

أبو العريف يقول...

ممكن لو سمحتي التاني

أبو العريف يقول...

التالت بقي

ايه يا بنتي الغيبه الطويله دي

أبو العريف يقول...

كل سنه وكل ام طيبه
كل سنه وانت طيبه
كل سنه وامي طيبه
علي فكره اكتر حد بيوحشني في مصر اكيد هي امي
وانا قاعد افتكرت اني كنت سألتها زمان
مين اكتر حد بتحبيه فينا
ردت بكل طيبه وبساطه
رغم بساطتها وثقافتها المحدوده رد مأثر فيه قوي وخاصة دلوقت
قالتلي
الصغير لحد ما يكبر
والعيان لحد ما يخف
والغااااااااايب لحد ما يرجع

KHALED يقول...

كل عام و أنتى و كل أم بألف خير

بس أية الجمال دة فى وصف مشاعر صعب تتوصف ...

mohamed ghalia يقول...

كل سنة وكل أمهاتنا بخير وفى سعادة وهنا وسرور

romansy يقول...

كل سنه وكل ام بخير وسلام وحب ومشاعر واحلام تتحقق لينا ووليهم

سحساوي يقول...

أنت قلبتي الآية و لا ايه دا عيد الأم مش عيد الطفولة ههههههههههههههه
كلمات جميلة كل سنة و انت طيبة و أسرتك بألف خير .
ممكن تكلمينا شوية عن ست الحبايب اللي أنجبت أم في مثل تضحيتك .

Unknown يقول...

كل عام و كل ام بخير
كلمات رائة و اسلوب رقيق
بس خلاص !!!

سمكه واحده يقول...

كل سنه وانتي طيبه
اقول ايه بس علي اسلوبك وكلامك
ربنا يبارك فيكي
وميحرمنيش منك ولا من سوالك
جايه اقولك كل سنه وانتي طيبه
وحشتيني اوي

وردة يقول...

كل سنة وكل ام بخير
ودايما يسعدونا بدعواتهم لينا
كلاماتك حلوة اوووي
ربنا يكرمك
سلام

د. ياسر عمر عبد الفتاح يقول...

ربنا يكرمهن كما ربونا صغاراً
الإسلوب جميل كالعادة

بس أنا مش عارف ايه موضوع يوم الأم ده
أنا مش ضده بجد .. بس المفروض نفتكر أمهاتنا على طول

ادم المصرى يقول...

كل سنه وكل ام طيبه

كل سنه وهما فى خير

وسعاده وفرحه

وطيبه ورضا عنا

الهما اجعلهم راضيين عنا فى الحياه والممات

قوللها كل سنه وهيا بخير

الربان يقول...

تحياتي

هو ذا قلب الام...رؤوم بهم...يملؤه حب رباني..لا يعلم أحد قدر حب الام لابنائها الا الام...

تحياتي و تقديري لحضرتك .

rovy يقول...

احساس رائع لأمومه حقيقيه و رائعه

كل عام وانتى بالف خير و كل الامهات بكل الخير و السعاده و الزياده فى العطاء و الحب و الحنان

سلمت يداكى

دمتى بكل الخير

تحياتى

""""" يقول...

اليكم آالام تصغر عندما تكبر فيكم الامانى

ما شاء الله على اسلوبك
عجبنى المعنى دا اوى

هــو..مش ..نـو يقول...

بس خلاص...كلك أخلاص
لكل أم الف تحيه..
وكل عام وهن بخير ...

عمرو جويلى يقول...

العزيزة بس خلاص
السلام عليكم
كل سنة وأمهاتنا طيبة وكل سنة وأنت طيبة . مشاعر دافئة وبس خلاص
دمت بكل الخير

Beram ElMasry يقول...

الاخت العزيزة . بس خلاص ...
السلام عليكم ورحمة الله وبركاته
عزيزتى ارجو منك زيارة مدونتى غدا الثلاثاء والتعليق الجاد على موضوع التعامل ومسالمة اليهود بل تحسنين ان دعوت الجادين من الاصدقاء بالمشاركة وابداء الراى ، لا تبخلى فايقاظ الغافل صدقة
لك تحياتى والسلام عليكم ، ولا سلام مع اليهود

zainab يقول...

حبيبتى بس خلاص

الله عليكى و على رقتك و حنانك و لمساتك الرقيقه

تسلم ايدك يا قلبى

تحياتى

zainab يقول...

حبيبتى بس خلاص

على فكرة انا حاسه بتواصل روحى بينى و بينك عزيزتى

لو بتفتحى الماسنجر ممكن تبعتى لى ايميلك فى تعليق عندى و مش هنشر التعليق عشان نتكلم سوى لو مش يضايقك

بحبك فى الله

أختك زوزو

بس خلاص ... يقول...

ابو العريف ...اربعة مرة واحدة ايه السعادة اللى انا فيها دى
اشكرك على تواجدك وتعليقاتك .
-------------

بس خلاص ... يقول...

خالد يافنان
اشكرك الجمال كله فى ذوقك ورقتك
اشكرك كل سنه وانت فنان جميل

بس خلاص ... يقول...

محمد غالى
اشكرك كل سنه وانت ومامتك وكل عائلتك بخير
تعيش ياغالى
--------
ملك الرومانسيه رومانسى بك
نورتنى وشرفتنى كل سنه وانت طيب

بس خلاص ... يقول...

سحساوى.... بجد بجد تعليقاتك بتسعدنى جدا لانىها تدل على شخصيه فاهمه جدا وعميقة جدا
انت عارف ان كل واحد فينا جواه عيل يتمنى يعيش على طول عيل وساعات بيكون عيل رخم ومابيسمعش الكلام كمان
كل سنه وانت طيب

بس خلاص ... يقول...

طعميه سخنه ... بموت فيكى لوحدك او مع سلاطة الطحينه
انتى هتخلينى اجى ازورك الصبح وبالليل يعنى افطر واتعشى
ههههههههههههه
نورتينى ياحلى طعماييه
كل سنه وانتى طيبه

بس خلاص ... يقول...

سموكه يا حبيبتى ... وحشتينى كل سنه وانتى طيبه يا حبيبة قلبى ربنا مايحرمنى منك .. ماتطولش الغياب عليا وطمنينى دايما عليكى .. الف بوسه للقمر سمكمك عروسة البحور

بس خلاص ... يقول...

ورده .. اهديكى احلى ورده لكى من القلب الدعاء ربنا يسعدك وينور بستان حياتك نورتينى

بس خلاص ... يقول...

د. ياسر .. كل سنه وانت طيب
اكيد لازم نفتكر امهاتنا وابائنا ونوصلهم ونوصل رحمهم .. ولكن انا باعتبر يوم الام ده وقفه تفكر اللى ناسى وترجع اللى غايب وفرصة لاعادة الحسابات ع النفس
نورتينى ياحكيم

بس خلاص ... يقول...

ادم .. اللهم استجب وتقبل ربنا يكرمك ببركة دعاء الوالدين.. اللهم ارضى عنا جميعا
كل سنه وانت طيب

بس خلاص ... يقول...

الربان .. شرفتنى ونورتنى
كل سنه وانت طيب الامومة احساس لايمكن ان نقارنه باى مشاعر اخرى لانها اعلى مرتبه من العطاء والحب
كل احتراماتى وتقديراتى

بس خلاص ... يقول...

روفى .. بجد بجد سعيده جدا بزيارتك شرفتينى ونورتينى وياريتك على طول تزورينى ..كل سنه وانت وكل عائلتك واحبابك بصحةوسلامه

بس خلاص ... يقول...

اماااااال الجميله
شكرا لزيارتك .. انتى صاحبة مشاعر جميله ورقيقه وعندك حاسه التذوق عاليه جدا
كل سنه وانتى طيبه
ياريت تنورينى وتسعدينى دايما

بس خلاص ... يقول...

هو مش نو.. الاخلاص والوفا ده طبعكم .. واتعلمناه لما بقينا منكم .. بس ياريت نعرف نهوهو زيكم ..
دايما منورنى ومطمنى بهوهواتك الصديقة

بس خلاص ... يقول...

اللؤلؤة .. كل سنه وانت طيب انت جوهرة غاليه علينا جدا فى قصر المدونات
نورتنى

بس خلاص ... يقول...

عمنا بيرم
حاضر يسعدنى ويشرفنى دعوتك لينا
لك كل التقدير والاحترام

بس خلاص ... يقول...

زينب .. نبات الجنه وريحق العبير .. كلماتك دفئة وصادقة ليس لها طريق سوى القلب ابادلك نفس الشعور
يسعدنى التواصل معك

شيماء جمال(شيمو القمر) يقول...

كل سنة وأنت طيبة
وكل سنة وكل أم طيبة

كلامك من قبل كان يدلنى انك صغيرة وعمرى ما فكرت إن يكون عندك أطفال بس ام وبالقلب الجميل ده يا بخت أولادك بيكى

احييك على كل هذا الحنان

تحياتى
شيمو القمر

شيماء جمال(شيمو القمر) يقول...

أنت صغنونة يا ستى ..............بس خلاص أنت صغنونة

تحياتى يا أمى

هههههههههههههههههههه
بهزر( وش بيغمز)


تحياتى يا عسولة

ايمان روحي يقول...

كل سنه وكل الامهات بخير وسلامه يارب
وربي يبارك فيكي علي الموضوع المتميز ده
تحيـــــاتي

ahmed_k يقول...

كل سنه وكل الأمهات بخير وسلامه
فبحق الأم هي نبع الحنان
وينبوع الصفاء والعطاء المتدفق بدون حساب
وصدق الرسول عليه الصلاة والصلام
عندما أكثر من الوصايه بها
فهي أحق من يستحق الوفاء والرعايه
هي والأب طبعا
فجميلهما لا ينكره إلا جاحد

خالص تحياتي

عمرو جويلى يقول...

الأخت بس خلاص
السلام عليكم
كل سنه وكل ام بخير وسلام وحب ومشاعر واحلام تتحقق . أسلوب مليىء بالمشاعر الجياشة
دمت بكل خير

صفــــاء يقول...

كتبتى حتى كدت أن تقتربى من أجمل مشاعر للأم فى أولادها

لغتك جميله ومعبرة وقويه
البوست هايل بجد

كل سنه وامى وكل الأمهات بألف خير
تحياتى لك
.

حاجــ عيال ــات يقول...

كل سنة وانت أطيب ام
ايه الكلام الجميل ده
هو ده قلب الام مترجم بكلمات رقيقة

Unknown يقول...

بوست هايل أهنيكي عليه الله ينور
ويبقى التواصل

Asmaa Fathi يقول...

كل سنة وانتى وكل الامهات والاباء والابناء بخير
اسلوبك شيق واحساسك عالى
دمتى متميزة
تحياتى

إسراء توكل مسعود يقول...

مممممم

وصلت متأخر :(

معذرة ...


كلماتك رقيقة جداً ...


في "بلاوطن" كتب الدكتور توكل أولى تدويناته والقيد في يده تدوينة"هكذا يكون الجيران (1) " ... تحت شعار العلم لا يعتقل .. فشاركونا هناك

م/ الحسيني لزومي يقول...

شارك في الحملة من أجل إطلاق سراح
المدون دكتور / توكل مسعود

Unknown يقول...

العتب علي النظر ...
الكلمات كلها رقه ...سكنت ف الفؤاد
لأنها خرجت من قلب طاهر صادق ..
آسف علي التأخير ...

daktara يقول...

كل سنة وكل ام طيبة وبخير
كل سنة وانت طيبة يا ماما
كل سنة وانتم كلكم بخير

أبو العريف يقول...

بس خلاص

هو ايه اللي خلاص
كل مانادي تقولي بس خلاص
من يوم عيد الام ما حدش شافك
دا عيد الام التاني فاضل عليه شهرين يا بنتي

ايه الغيبه دي
عموما
انا اهديتك تاج
اه عندي في المدونه
ياريت تجاوبيه

صدى الصمت - عاشقة الورد - يقول...

والله مش عارفة أقولك ايه
كل الناس كتبت عن الأم وأهديتلها كلام
لكن أنتى غيرتى الفكرة خالص وفى عيد الأم وجهتى ريالة من الأم للأبناء
الحقيقة الكلام هزنى وتوقفت عنده كتيير لأنى أم وحاسة بكل الكلام دة لكن يوم ماهيفكروا إنهم مش محتاجين وصايتى أو يسأمون أحضانى
أعتقد إنى هأموت بدل ما أحس وأشوف اليوم دة
تحياتى

عاشقة الورد

بس خلاص ... يقول...

صدى الصمت
كل سنه وانتى طيبه وربنا مايحرمك من حبايبك ولايحرمهم منك
اشكرك على تعليقك الرقيق وطبعا الام هتفضل منبع عطاء ولا ولن ينضب هذا العطاء واعتقد اننا فى احتياج هذا العطاء مهما كبرنا ولكننى اقصد التدخل الزائد فى حياة اولادنا قد تصل لدرجة حب التملك والسيطرة وهذا طبعا ما ارفضه .. يعنى نفضل نديهم من بعيد لبعيد دون التدخل الزائد وبدون داعى
فهمتينى ياقمر
يعنى مش ناويه اكون حماة صعبه
لكى كل الود

بس خلاص ... يقول...

ابو العريف ربنا مايحرمنى من سؤالك عنى
اشكرك جدا
حاضر هجاوب على التاج بس ياترى فى ملاحق ولا النجاح من مره واحده
لك كل الود

بس خلاص ... يقول...

دكتره .. شرفتنى ونورتنى كل سنه وانت ومامتك بخير وبسعاده
لك كل الود

بس خلاص ... يقول...

عصفور مهاجر اشكرك على رقتك ... وماقدر اوفيك زوقك ومجاملتك


---------
اسراء توكل نورتينى وانشاء الله تزورينى وتبشرينى بسلامه الوالد باذن الله

---------------
جنه ماجد : اصبحت متميزه فعلا عندما نورتينى وبكلامك الرقيق اهديتينى
-------------
أ. معتز شاهين
شرفتنى اشكرك لك كل الود

-----------

بس خلاص ... يقول...

حاجات عيال
الاستاذه الفاضله جهاد مشالى صاحبة اجمل وارق مدونه
نورتينى وشرفتينى واسعدتينى جدا بزيارتك فانت من الشخصيات التى حازت احترام وتقدير كل من قرأ كلماتك
لكى منى كل الود

------------

صفاء الجميله
اشكرك ياصفصف بجد بجد انا سعيده جدا جدا لتواصلى معك
لكى كل الود
----------

اللؤلؤه
نورتنى
كل سنه وانت طيب دايما تزورنى وتنورنى
لك كل الاحترام والتقدير
-----------

بس خلاص ... يقول...

احمد k كل سنه وانت طيب وكل الامهات بخير وامنا الحبيبه مصرنا الغاليه بكل الخير
شرفتنى بعد غيبه طويله اتمنى دوام التواصل
ولك منى كل التقدير والاحترام

بس خلاص ... يقول...

ايمان روحى
نورتينى ياقمر وكل سنه وانت بكل الخير شرفتنى زيارتك واتمنى دوام التواصل

فشكووول يقول...

الحبيبه بس خلاص

عديها المره دى عشان خاطرى

عارفه يا بس .. اما ان شاء الله يكون عندك اولاد وتشوفيهم مبسوطين وفرحانين ... يا سلااااااااام بيبقى شعورك اكبر من انك تكونى انت اللى فرحانه ومبسوطه ... عارفه اللى بيفرح لفرح الناس ... اهو الام والاب لا يفرحهم ولا يسرهم الا رضاء اولادهم وفرحهم وزأتتهم ... بيبقى شعور ليس له وصف ولا استطيع وصفه لك ... ويا سلام لما بتكونى بتجوزى اى ولد او بنت من ولادك ... بيكون فرحتك اكتر من فرحة العروس او العريس ... الامومه يا بس لا يعرف قيمتها الا من احس بها وكذلك الابوه(يعنى هما الرجاله ما لهمش حظ) ويا سلام لو تشوفى ان شاء الله حفيدك او حفيدتك .....يا سلااااااااااااااااااااااااام

يا رب تشوفى كل دا يا بس

فوتها ولا لسه

تحياتى

إيمان قنديل يقول...

لايوجد في الدنيا اجمل من أحساس الأمومه

بس خلاص ... يقول...

شكول اخيرا زرتنى انا عارفه انك بتعزنى بس لازم تنزرنى وماتنسانيش واوعى تنسى اصدقاء الكحينه
لك كل الود والتقدير

بس خلاص ... يقول...

غرام
نورتينى ولو انى من زمان كان نفسى تزروينى
اليك كل حبى وحنينى
وكل سنه وانتى طيبه وطبعا امى هى نور عينى
لك من القلب كل الحب

Unknown يقول...

شركة تنظيف بالرياض

شركة تنظيف فلل بالرياض

شركة تنظيف شقق بالرياض

شركة تنظيف منازل بالرياض

شركة تنظيف خزانات بالرياض

شركة رش مبيدات بالرياض

شركة مكافحة حشرات بالرياض

شركة مكافحة النمل الابيض بالرياض

شركة كشف تسربات المياه بالرياض

شركة عزل خزانات بالرياض

شركة نقل اثاث بالرياض

شركة نقل اثاث