الأربعاء، ديسمبر 31، 2008

الف سلامه

الى من رحل عن دنيا البشر......الى قلب طيب طاهر لم يعرف غير الحب طريق الى قلبه والعطاء سبيله ومبتغاه .... الف سلامه

سلامه سلامه على قلب رقيق حساس

كان بيحب الناس وكان لسه فاكرهم ناس

كان انسان فى زمان مليان بحيتان

وملاك بالخير ولهان وما يعرف ان الكل جبان

كان بيعلم قلبه الحب ولو كرهوه

كان بيخلى الروح تتسامح حتى ولو شنقوه

كانوا تاعبينه ولحاله فى يوم ماسابوه

كنت تشوفه تقول تعبان مهدود من كتر النوح

شايل قلبه فى كفه
واخده فى حضنه بيلملم جواه فى جروح

عارف انه فى يوم هيفوت الحزن و من الكون هيروح

فى عيونه نظرة هاديه رقيقه لبعيد بتوه لبعيد بتروح

بتقول .. تعب القلب من الحزن والصبر ملاه بجروح

تتحايل على القلب يقسى ... ينسى يمكن فيه ترجع روح

رد عليه القلب وقال

ياجريح اعشق حزنك ...طيبة قلبك هتعيش مش هتموت


بس يجيب العشق منين والقلب اهو ساكت مش نابض حتى ولو بالموت




هناك 40 تعليقًا:

فركشاوي ..ناوي يقول...

السلام عليكم ورحمه الله وبركاته
بس خلاص...ما عاد فيه احساس
لا في القلوب ...ولا عند الناس
عصر النعمه خلاص ...
طفش وترك لنا مداس
وحل محله الفقر ...وياالأفلاس
____أنت فين ..لا باين لك حس ولا خبر...
المدونات من غيرك مالهاش طعم !

سمكه واحده يقول...

مالك بس قلقتيني عليكي ظروف يارب يكون خير ان شاء الله طمنيني عليكي انا كده بجد قلقت ومتحوليش نتقطعي عن التدوين
عارفه انه غصب عنك بس بجد مش عارفه اقلك ايه طمنيني بالله عليكي
سمكه قلقانه

fashkool يقول...

يا بس خلاص .. تحياتى
ما علهش ما جيتش البوست اللى فات ما علهش .. بس ووولا يهمك ..ربنا مش حيسيب غزه .. مش معقول يسيبها عشان يجزروها ويدبحوها .. كان لازم نعمل حاجه .. لازم ناخد خطوه فاعله .. بس نعمل ايه مع حكامنا اللى مكتفينا وقاطعين ايدينا .. انا فى بوست الجزمه قلت لازن نربى مجانس وعضلات .. وعشان ما ربيناش مجانص وعضلات بقينا عرضه للكلاب الضاله تهبش فينا ودى نتيحة التكاسل والتواكل .. انا حاصوم يوم الخميس من اجل غزه .. تحياتى

بس خلاص ... يقول...

فركشاوى السلام عليكم
اشكرك على سؤالك
لكن الظروف المحيطة والجو العام ترك فى القلب مرارة جعلتنى افقد الشعور فى ان يكون هناك شئ يبعث على الامل من جديد
ولكن يبقى اليقين بالله
والحمد لله

بس خلاص ... يقول...

سموكه
اشكرك على سؤالك
انا الحمد لله بخير ... ولكننا فى الايام الماضيه فقدنا عميد العائله
ولكننا نحتسبه عند المولى عز وجل نشكرك
ودمتى لمحبيكى

بس خلاص ... يقول...

فشكول بك... تعيش ودايما تسأل علينا وتجمعنا بكلماتك وموضوعاتك العظيمة وتبقى دائما كبير العائله التدوينية

saheda.com يقول...

الإذاعة الصهيونية تؤكد إصابة 10 جنود صهاينة بجروح متفاوتة... القناة العاشرة الصهيونية تقول إن اشتباكات عنيفة تقع بين المقاومة الفلسطينية والجيش الصهيوني الذي طلب نجدة الطيران والمدفعية... 550 شهيدًا في غزة والقسام تتعهَّد بسحق جنود الاحتلال... القسام تعلن وصحيفة بلغارية تؤكد إسقاط مقاتلة صهيونية... عائلات فلسطينية على الحدود الشرقية والشمالية لقطاع غزة تطلق مناشدات للصليب الأحمر والمنظمات الدولية... كتائب شهداء الأقصى تقصف تجمعًا للدبابات الصهيونية جنوب غزة... تفجير 3 عبوات وقنص 4 جنود ومعاودة قصف قاعدة "حتسور" بصاروخ جراد وناحل عوز بصاروخي قسام.

فركشاوي ..ناوي يقول...

السلام عليكم ورحمه الله
______________________
مافيش حاجه اسمها تعبان او قرفان أمر الله ساري علي الكل ونحمد الله اننا قادرين نقول الحمد لله .

عابد الرحمن يقول...

ربنا يهون عليكي لو كنتي خسرتي حد قريب عشان جربتها
وربنا يهون علينا لو كلامك عامي عشان بجد كلنا تعبنا من الناس والحقد والكره
وعلى العموم بجد شكرا ليكي انك خليتي كل واحد يقف ولو لحظة مع نفسه وتعامله مع الناس

رئيس التحرير يقول...

السلام عليكم ورحمه الله وبركاته
أمه لا اله الا الله ...بخير وعلي الخير نتواصل...يذكر بعضنا بعضا بالله ...نتواصي بالحق ونتواصي بالصبر*
بس خلاص
______ الريس مش معانا خالص الريس في وادي تاني....ربنا يهدينا جميعا.

كلمة حق .... هويتى اسلامية يقول...

السلام عليكم ورحمة الله وبركاته

شاركنا برأيك لنقوم بواجبنا تجاه أمتنا

نرجو قراءة الرسالة وإبداء رأيك بموضوعية

أمير البلانكو يقول...

بس خلاص

انا ااااااااااااسف علي التأخير

والله كلماتك جميله أوي

ربنا يوفقك يارب

ويفك الكرب عن كل حزين

fashkool يقول...

يا خلص الكلام .. ازيك
مين اللى قال لك انك مش احلى من شهرذاد واحلى من شجرة الدر واحلى حتى من البت الحلوه قطر الندى وكمان احلى من كاترين زيتا جونز .. دا انت عليك جمال فى العقل وجمال فى القلب وجمال فى اللفظ عمك فشكول اللى يعرفه بس .. ووولا يهمك .. انت اجمل من الكل يا ابنتى العزيزه
والله يا هس فنش عمك فشكول متفشكل على الاخر وظروف ربنا يعديها على خير .. وانا اكتشفت ان قعدتى على الكمبيوتر تخلينى انسى شويه لحد ما ييجى فرج ربنا وعشان كدا تلاقى عمك فشكول بيخرف اليومين دول .. ادعى لى يا بس خلاص

Beram ElMasry يقول...

العزيزة . بس خلاص ...
اسعد الله صباحك بالخير
جميل تعليقك (على السبع المحبوس فى الخوف . فينك ياجساره )
اما فى مدونتك فهذا قمة التسامح حتى ولو شنقوه
( كان بيخلى الروح تتسامح حتى ولو شنقوه )
( شايل قلبه فى كفه
واخده فى حضنه . بيلملم جواه فى جروح )
وهذه الصورة جميلة جدا ، اما الصورة التالية فغير صحيحة ، نابض حتى ولو بالموت يعنى اية
( بس يجيب العشق منين والقلب اهو ساكت مش نابض حتى ولو بالموت
خالص تحياتى

Beram ElMasry يقول...

العزيزة . بس خلاص ...
اسعد الله صباحك بالخير
جميل تعليقك (على السبع المحبوس فى الخوف . فينك ياجساره )
اما فى مدونتك فهذا قمة التسامح حتى ولو شنقوه
( كان بيخلى الروح تتسامح حتى ولو شنقوه )
( شايل قلبه فى كفه
واخده فى حضنه . بيلملم جواه فى جروح )
وهذه الصورة جميلة جدا ، اما الصورة التالية فغير صحيحة ، نابض حتى ولو بالموت يعنى اية
( بس يجيب العشق منين والقلب اهو ساكت مش نابض حتى ولو بالموت
خالص تحياتى

هــو..مش ..نـو يقول...

عم فشكول بيقول انه بيحب اللحمه
لحمه ايه؟
والدم في غزه سايل...
ولا حتي بنتكب لهم رسايل..
تقوي عزمهم ...ومين قايل؟

حد مش فاهم حاجه يقول...

بس خلاص
حمدالله علي السلامه
فينك من زماااان
دايما بحس ان كلامك طالع من قلبي انا مش من قلبك انت
جميله قوي

بس خلاص ... يقول...

شهيده
ربنا ينصر الاسلام والمسلمين فى كل مكان اللهم استجب وتقبل شكرا على اهتمامك وحبك للوطن
--------
فركشاوى
الحمد لله دائما وابدا
فى السراء والضراء الحمد لله
فى الشده والضيق وفى الفرح والرغد
الحمد لله
لك منى كل الدعوات بكل الخير

بس خلاص ... يقول...

عابد الرحمن
اشكرك على تشريفك وكلماتك الرقيقة
ربنا يهون علينا وعلى كل الامه الاسلاميه وان يفرج الله كل الكروب
لك كل التقدير
---------
رئيس التحرير ....أمه لا اله الا الله ...بخير وعلي الخير نتواصل...يذكر بعضنا بعضا بالله ...نتواصي بالحق ونتواصي بالصبر*

ماأجمل كلماتك وما اجملك اللهم اجعلنا ممن يتواصوا بالصبر والحق
----------
كلمة حق باذن الله سوف ازور مدونتكم واقرأ كلمتك واترك التعليق
كل التقدير

----------
امير البلانكو
ازيك يا امير والله وحشتنا يا اخى العزيز لاتغب طويلا وابقى طمننا عن اخبارك

---------------

بس خلاص ... يقول...

حبيبنا الغالى فشكول بك
فرج الله عنك كل كرب وهون عليك كل صعب
الجمال الحقيقى فى شخصيتك وقدرتك العجيبه انك تلمنا حواليك وتحسسنا انك كبير العيله وحبيب الملايين
وبقولك ووولايهمك انشاء الله ربنا هيجعل كل الخير من نصيبك لانك اهل لكل خير
دعواتى الصادقة
ياريت اقدر اعمل اى شئ .. ولكن كل ما املكه هو الدعاء لكم بكل الخير اللهم تقبل دعواتى

بس خلاص ... يقول...

استاذنا ورمزنا الجميل وقدوتنا فى التعبير
اشكرك على اهتمامك بما نكتب نحن المتواضعين جدا بجوار شموخ كلماتك التى تترك صدى فى النفوس والقلوب لتغير ما بنا من هموم ... وتشعرنا ان الجمال مازال موجود رغم كل مايحيط بعالمنا المتخاذل من قبح
اشكر توجيهك لى واهتمامك بكل احبابك فى الله
دمت لنا معلما وناصحا وقدوة ومثل اعلى
لك كل الود والتقدير

-----------
هو مش نو
الدم اللى فى غزة ده دمنا وعلشانه كتر همنا ...وانا وانت والفشكول وكل المخلصين قلبنا انفطر
ربنا يزيح الغمه ويفرج الكرب
----------------
حد مش فاهم حاجة
ازيك ياهندسة
انا الحمد لله بخير
بس كانت هناك ظروف عائليه حزينه الحمد لله على كل شئ شكرا على سؤالك وكلماتك الرقيقة
انشاء الله اراك دائما بكل خير

Beram ElMasry يقول...

العزيزة . بس خلاص
شكرا جزيلا للادب الجم والاحساس المرهف ، واقدم لك النصيحة التالية لانك اهل للنصح ، اذا كتبت عملا ادبيا ،شعر او قصة او موضوع ادبى ، بعد تمامه لاتنشريه واتركيه يومين او اكثر ، ثم اقراية كانه عمل انسان غيرك وبعين الناقد الغلس ، ستجدين اخطاء اصلحيها بتانى وستجدين النتيجة اكثر روعة وابداع وبلا مجاملة فالموهبة موجودة وتستحق الرعاية منك
ويلا باى لابنتى الكريمة مع الدعاء بالنجاح

جميلة يقول...

قصيدة جميلة فعلا و كلماتها بتمس القلب و تبكى الصدر .... الله يفك كرب كل اليم يجهله باذنه منصور

fashkool يقول...

يا بس الجميله.
ازيك وكيف حالك
والله يا بنتى .. الحمد لله ربنا سهلها شويه والحمد لله ... انت بتقولى فى كلام انا مش قده .. انا يا فرحان انكم مستحملينى فى وسطكم وبقول كلمتين كانوا محشورين فى زورى قبل ان اعمل المدونه دة وانتوا بتشجعونى وكتر خيركم
مره ثانيه اشكركم على تشجيعكم لى .
تحياتى

Khaled يقول...

البقاء لله

GHARAM يقول...

ياه ايه الحزن ده كله


طمنيني عليكي

م/ الحسيني لزومي يقول...

****** حمله المقاطعه
لا تستطيع ان تجاهد
لاتستطيع ان تتظاهر
لا تستطيع ان تتبرع بالمال
اذن قاطع وادعو غيرك للمقاطعه
منتجات كل من يدعم العدو
**** هل تعلم أن:-
1- شركه ستار بوكس(للكافيهات والقهوة) تدعم العدو ب 2 مليار سنويا من ارباحها
2- شركة فليب موريس (مارلبورو & مريت ) تدعم العدو وتدفع بصفة يومية ما مقدارة 12% من ارباحها.وعليه فإن مدخني العالم الإسلامي فقط يدفعون كل صباح 12 مليون دولار اي ما قيمته طائرة اف-16 كل اربعة ايام .

*** قائمة المقاطعة
ستار بوكس
ماكدونالدز
برجر كينج
كنتاكي
بيترا كينج
كوكاكولا
بيبسي
فردركرز
شيليز

لنوقف شراء البضائع الأمريكية والبريطانية لشهر واحد فقط

سوف تكون تكلفة هذا الشهر عليهم خسائر مقدارها
37 بليون دولار

***

بس خلاص ... يقول...

العم بيرم ..شكرا جزيلا على توجيهات ونصائحك الغاليه
شفت خريطة مصر انا اخدتها من عندك ووضعتها عندى فى المدونة وفى عينى وقلبى زى انت مانصحتنا
-------------------
جميله شكرا على زيارتك
ارجو دوام التواصل لكى من القلب الدعاءبكل خير
---------
فشول بك ... انت كبير فى القيمه والمقام ...من غير اى كلام ...قيمتك فى عطاءك وتواضعك الجميل

----------------
خالد يافنان
اشر على ذوقك ورقتك ..بس انت فين من زمان ليه المدونه مش مسموحه ...اتعودنا ندخلها وتشوف عينينا اجمل الصور وتقرا قلوبنا اجمل كلمات ..لاتغيب عن اخوانك واخوات المدونين
نرجولك كل الخير والسعاده
------------------
غرام ..يا احلى واجدع مصريه ... كل المصائب تهون فى وجود اخوة واحباب واصدقاء مخلصين مثلطم ..رغم عدم التلاقى والتعارف عن قرب
دعواتى لكى بل الخير وانت ول احبابك
----------
مالحسينى
نشكر على النصيحة
اللهم انصر الاسلام والمسلميم...معك حق يا اخى الكريم

سمكه واحده يقول...

عامله ايه اخبارك
انا جيت اسال عليكي عايزه اطمن
وحشتيني والبقاء الله زربنا يصبركوا يارب

romansy يقول...

الصبر مطلوب فى الاوقات دى

علشان نشوف هنعمل ايه

ahmed_k يقول...

حوار ممتع بالفعل بينهما
لكن مش شايفه أن الحياه بها الكثير من الجمال الذي معه يمكن أن نضيف إليها السعاده في أحلك أيامها
فالرضا والقبول بقضاء الله دوما
هو السبيل الأمثل لمداواة الجروح
وتنشيط القلوب

تقبلي خالص تحياتي

تايه في وسط البلد يقول...

السلام عليكم

بس خلاص

شاكر بقوة زيارتك الرقيقة وكذلك الرابط لديك..واتمني لو كانت هذه الكلمات غير مرتبطة بذكري او موقف معين

دمتي بالف خير

آه وكفى يقول...

ياااااااه
دانتي مجروحة اوي

عارفة عنوان مدونتك فكرني باغنية بحبها بتعة محمد فؤاد

ولا يهمك لئيت تريائي من سمك

اغنية حزينة برضو

تحياتي وسأنتظر جديدك

اعترافات قلب يقول...

جميلة قوى ومعبرة جدا
وطالعة من القلب
وملخصة اللى فى قلوبنا جميعا
تقبلى مرورى
مودتى
شيمو القمر

سمكه واحده يقول...

حبيبه قلبي طمنيني عليكي
انا جيت اسلم واشوفك مش باينه متغبيش عننا كتير الله يكرمك

غير معرف يقول...

معسكر القسام
واجبات عملية
لقد قمت بترجمت كلمات الأخ الكريم أبو خيري " كلمة حق " إلي واجبات عملية نعمل بها إلي أن نكون في معسكر القسام كمدونين خصوصا ومن أراد أن يعرف واجباته العملية كفرد عادي دون تخصص المدونين عليه أن يرجع إلي"
1: علي كل مدون أن يدعوا إلي فتح باب الجهاد فورا ويضع له ما يعبر عن هذا في مدونته.
2: علي كل مدون يريد أن يكون في معسكر القسام أن يضع علي الشريط الجانبي دعوة إلي المقاطعة ويصمم بنر أو شعار لهذه المقاطعة ويضعها علي مدونته.
3: علي كل مدون أن يدعوا الجميع إلي الجهاد بالمال وذلك أيضا عبر مدونته.
4: علي كل مدون أن يدعوا إلي فتح معبر رفح وذلك عبر مدونته.
5: علي كل مدون أن يدعوا الجميع إلي قولة الحق والغضب علي هذه الأنظمة الفاسدة.
6: علي كل مدون أن يدعوا الجميع إلي العودة إلي الإسلام مرة أخري.
7: علي كل مدون أن يدعوا إلي معرفة القضية معرفة جيدة ومعرفة تامة.
هذا وبالله التوفيق

بس خلاص ... يقول...

سموكه شكرا ليكى حبيبتى على سؤالك الدائم ورقة مشاعرك جزاكى الله كل الخير عنى
نعم الصديقة انتى ياليتنا تلاقينا وتعرفنا حتى اسعد بوفائك النادر
لك من القلب كل الود

بس خلاص ... يقول...

رومانسى شكرا على المرور الجميل والكلمات الرقيقة
----------
احمد ياحكيم الجنون... حقا ان الدنيا بهخااشياء ثيرة جميله طالما يوجد بها اوناس مثلكم يملاء الجمال نفوسهم والروعة فى اخلاقهم
---------------
تايه فى وسط البلد نورتنى ولى الشرف ان يكون رابط مدونتكم وسام شرف فى مدونتى

-------------
اه وكفى
اقول لكى الف اه واه حتى تهدأء كل انات القلوب وترتحل حدائق العمر بكاءعلى ابتسامات رحلت ولن تعود
---------------
اعترافات قلب
اعترف ان القلب بات حزينا الى ان وجدت اوناس مثلكم يبتهج العمر بقراءة كلماتهم..دمتم بكل الخير

** القــــلـــب المنـــكـــســر** يقول...

السلام عليكم

اولا: اتفضلو زورو المدونه الجديده

ثانيا : اعوا تنسوني خلاص

ثالثا : تقبل مروري

رابعا: تحياتي لك

خامسا: اتمني لك المزيد من التفوق

سادسا: دمتوا بكل خير و سعاده

سابعا: المدونه جاهزه و تمام

ثامنا:اخبار جامده اووووووي

تاسعا: ادعوا للاهلي

عاشرا: مش مهم بقي مش فاكر ههههههههه


الحادي عشر: اتمني زيارتك الي مدونتي المتواضعه

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘