الاثنين، فبراير 23، 2009

شخصيات وامثال

التهارده نبعد شويه عن المواضيع الدسمة والحوارات والتفكير والمشاكل ونحاول نقول حاجات خفيفة كده
ونحاول نجد علاقة بين الشخصيات والامثال .......
ابن خلدون عالم الاجتماع..... ( الجواب يتقرى من عنوانه )
عنتر بن شداد .......قالوا (رايح بيت عدوك ليه قلت حبيبى فيه)
قيس بن الملوح ... (الرجل تدب ماطرح ماتحب)
فان جوخ العبقرى المجنون ...( الحلو مايكملش )
جحا ...... قالو عد غنمك ياجحا قال واحدة قايمة وواحدة نايمة
ابو الطيب المتنبى ... ( يا ارض اتهدى ماعليكى ادى )
ارسين لوبين ..( يسرق الكحل من العين )
ابو النواس ...( سلامة الانسان فى حلاوة اللسان )
نجيب الريحانى ...( اضحك والضحك رخيص قبل مايغلى ويتعبى فى قراطيس )
جرهام بل مخترع التيفون .....(الزن على الودان امر من السحر )
الصينى كونفوشيوس ( ابو الحكمة .... مقتاح السر كلمة ومفتاح البطن لقمه )
اوباما ...( لاتحكم على الكتاب من عنوانه )
فى الاخر بقا اسمعوا بيرم التونسى بيقول ايه
قالوا ايه يعوذ بن ادم قلت شقه
وقالوا ايه مراد بن ادم قلت طقه
وقالوا ايه يعجل مماته قلت زقه
وقال تقدر تحوشه قلت انا لاءه
بس خلاص

هناك 24 تعليقًا:

اللؤلؤة يقول...

السلام عليكم
الأخت الفاضلة
بس خلاص معلومات خفيفة ورائعة
تحياتى

اعترافات قلب يقول...

واااااااااااااااااااو

ايه الكلام الجامد ده

فيه كلام مش حاسة إن بينهم علاقة

بس أنت دمك خفيف
وبس

تحياتى
شيمو القمر

norahaty يقول...

حلوة اوى خالص!!

بس خلاص ... يقول...

اللؤلؤة
شكرا على ذوقك وتشريفك لى

.......
اعترافات قلب
الهدف بس انى اخرج من زحمة الحوارات والمشاكل لان بصراحة الناس زهقت قلت اكتب اى حاجة بعيده عن ده كله .. انتى شربات ورد على عصير مانجو اصلى باحبهم الاتنين قوى

...................
نورهاتى
نورتينى ياقمر
اتى اللى عسل اشكرك واتمنى تزورينى دايما

ريمان يقول...
أزال المؤلف هذا التعليق.
ريمان يقول...

السلام عليكم


بوست خفيف ورائع

ومعلومات جميله

شكرا لك

مع تحياتى

د. ياسر عمر عبد الفتاح يقول...

هههههههههه
حلوة الأمثال دى ومتوافقة الى حد كبير مع الشخصيات

قالوا ايه يعوذ بن ادم قلت شقه
وقالوا ايه مراد بن ادم قلت طقه
وقالوا ايه يعجل مماته قلت زقه
وقال تقدر تحوشه قلت انا لاءه

الله عليم يا عمنا يا بيرم



جرهام بل مخترع التيفون

على فكرة جرهام بل مخترعش التليفون
دى أوشاعة مغرضة


حلو البوست

وردة يقول...

انتي تحفة بجد
وفقتي الامثال علي شخصية كل واح
ماشاء الله
وكمان ختمتي ببيرم
وه حبيب قلبي
السهل الممتنع
تسلمي ياقمر
سلام

سمكه واحده يقول...

مبسش ولا حاجه
بس خلاص ايه ده كل الكلام بس خلاص الا كلامك انتي يا جميل ميتشبعش منه
بجد جبتي كل شخصيه متوافقه مع تعليقاتك عليها
ايه الجمال ده
تحفه بجد
تسلم ايدك

فركشاوي ..ناوي يقول...

بسم الله الرحمن الرحيم
بس خلاص...السلام عليكم ورحمه الله وبركاته
عديت اسلم ...وحالف ما اتكلم
بس خلاص ...ليه كل الغياب دا؟

رئيس التحرير يقول...

الحمد لله ...رب العالمين
سبحان من يحيي العظام وهي رميم
اين كانت هذه الغيبه؟ وليه؟
مش انا بس الي زعلان من الغياب ..
ناس كتير زعلانه برضه ...بس خلاص!!!

mohamed ghalia يقول...

حلوه قوى المعلومات
خدى بقى كلمة ليا وسجليها هههههههههههههههه
نحن من نبحث عن المعرفة المعرفة لا تبحث عن أحد
دمتى بكل الود

fashkool يقول...

العزيزه بس خلاص .. تحياتى
اقول لك على نكته حلوه
مره واحد كان ماشى فى الشارع
بيبص لقى قرن فول اخضر
تفتكرى يعمل ايه
قام كله ... بس خلاص
اضحكى بقى

أبو العريف يقول...

الله ياباشا
ايه الموضوعات الجامده دي
بس ممكن لو قلتلك اسم تقوليلي المثل بتاعه
اول حاجه بس خلاص
وانا طيب

ادم المصرى يقول...

معلومات جميله جدا

كلامك جامد اوى وعلى فكره

انتى باين انك فقريه اوى اوى

هــو..مش ..نـو يقول...

علي فكره
طبعا انت عارفه حاسه الشم عندنا شكلها ايه؟
وعندي مشروع للأعلان عن الروائح الي مش هيه...
أيه رأيك لو اهوهولك علي الي ريحتهم مش ولا بد؟

بس خلاص ... يقول...

ريمان ....
ازيك يازعيمة التمرد النسائى ..عامله ايه وحشتينى جدا جدا ياكبيرة

بس خلاص ... يقول...

د. ياسر منورنى دايما طبعا عمنا بيرم بعد كلامه مفيش كلام
وبالنسبه لجرهام بل اهى الناس بتتكلم وانا فى حالى بلد اوشاعات صحيح
....

ورده ازيك يا اجمل زهرة فى البستان نورتينى وعطرتى المكان


.......

سموكه عروسة البحور الابيض والاحمر والمتوسط حتى الكاريبى
وحشتينى ليكى منى الف مليون ورده

بس خلاص ... يقول...

فركشاوى ..ازيك يافركش
ولا سلامك لولا كلامك لازعلت منك وطال خصامك .... انت اللى فين من زمان
نورتنى وشرفتنى


.........
رئيس التحرير

ازيك ياريس ..سبحان الله اخيرا بعد طول غياب سألت عناوجيت تزورنا
اوعى تزعل ..زعلك علينا غالى ياريس ياكبير قوى

بس خلاص ... يقول...

محمد غالى
كلامك غالى وكله حكم ... شرفتنى ياولد العم ياغالى

.....
فشكول ازيك يا استاذ احمد... حلوة ههههههه
اقولك بقا اناقفشة
كان فى ثلاثة بلدياتى ماشيين ورا بعض شوف خلى بالك ماشيين ورا بعض ووقعوا فى حفرة واحدة ...اقولك ايه اصلهم بلدياتى

بس خلاص ... يقول...

ابو العريف...
ازيك ياهندسه لو حبينا نكتب عنك نقول دواوين ونقول مووايل
بس انا هبحث فى قواميسى واقولك استنانى لحظة
....
ادم المصرى
اه انا فقريه وعرفت ازاى انك لمتمكن

بس خلاص ... يقول...

هو مش نو حلوة فكرتك
يالله هوهو وفتش عن الروايح الكريهه خليها تنضف

فركشاوي ..ناوي يقول...

بسم الله الرحمن الرحيم
بس خلاص :ــ ....السلام عليكم ورحمه الله وبركاته.
الموضوع ببساطه كتبت البوست الي حضرتك قرتيه...لاقيت ...( كح كح.. آآآآتشي الحمد لله...غفر الله لنا ولكم)عمي فشكول عامل بوست تاني ...وبيعلن الحرب علي ..هو يقول اعلنت عليك الحرب ...وانا غلبان بقول أعلنت عليك الحب ...ونازل ضرب قنابل وكيماويات و...انا في المشتفشي...كح كح
طيب هاتي قطن وشاش حتي علشان الجروح..
آآآآآآآآآآآآآآه يا نفوخي

fashkool يقول...

العزيزه بس خلاص .. هس ولا كلمه .. تحياتى

انا وفركشاوى ابتدينا رحلة المفاوضات وتم وقف اطلاق النار والحمد لله ..
تحياتى