السبت، فبراير 28، 2009

صورة الطائر من رسم شريف

عجباً لتلك العصفورة المسكينة التى تحاول الفرار من قسوة الاسر وظلمته بصغارها
فاعترضها من يهوى الصيد ويجيد الرمى..... ليصيبها بسهام الغدرويتركها تنزف .....ليأتى صاحب الاسر لينزع السهام من صدرها ويطعنها بها الف الف مرة دون رحمة اوشفقة .....حتى على الصغار
والان لاهى من الاحياء فتنعم بالحياه ولا هى من الاموات فتنعم بالرحمة ...


عصفور كروان عجبك فى الفضا صدى صوته
بغصن زيتون اخضر شاورت له وبالوفا منيته
و بوهم الامان بنيت له بالامل حيطان بيته
يابن ادم ظالم عشمته بالدفا وغشيته
اتاريك مخادع عايز تتسلى بحواديته
بجناح مكسور اسير من النور للعتمه شديته
ينوح لك بصوت مخنوق جريح فى الوحده خليته
عايزه يديك الحنان ليه بسهام القسوة رميته
نادم
بتقوله يطير يغنى بس خلاص ما اندبح صوته



هناك 51 تعليقًا:

Unknown يقول...

بس خلاص ...السلام عليكم ورحمه الله وبركاته
بحجز اول تعليق
وارجع من المستشفي اقري الموضوع الجديد
قولي لفشكول كلام في سرك ...نصتلح...
بشروط وحطي الشروط انت ...
انا مش موافق غير علي اللي تقوليه انت ...
سلام بقي اغير علي الأصابات وآجي...

تايه في وسط البلد يقول...

نادم بتقوله يطير يغنى بس خلاص ما اندبح صوته

ولات حين الندم فعلا

لم لا نفكر في ما نفعله للحظة عسي ان نعرف ان كنا من بني ادم ام لا؟!!


تحياتي يا بس خلاص

د. ياسر عمر عبد الفتاح يقول...

تصقيفة عالبية جداً
كلام جمييييييييل

هــو..مش ..نـو يقول...

( عصفور كروان عجبك فى الفضا
صدى صوته
بغصن زيتون اخضر شاورت له وبالوفا منيته ).
دي قصه مين بالظبط؟
الكلام بيقطر حقيقه...
والفعل غيرها يا شقيقه..
للناس في الغش 1000طريقه.
كل طريقه تدفن مليون حقيقه.
===هوهو..===

أبو العريف يقول...

بس خلاص

تحياتي ليكي
البوسن جميل كعادتك والموضوع دا ايه
اسقاط سياسي
ولا اسقاط بس خلاص

KHALED يقول...

كنت زمان باحب العصافير .. بس يا خسارة ..
بقت النمور و السباع و الديابة بتلفت نظرى أكتر ..
مش حابب طبعا أبقى نمر أو أسد أو ديب
بس ضعف العصفور بقى بيضايقنى
فاهمنى طبعا يا صاحبى

صفــــاء يقول...

.
ياااة
كلامك فعلا موجع
وفيه الأسى من الغدر والخيانه أقسى ألف مرة من شدّة الجروح
الصور فعلا جميله
وأجدتى الاختيار فى رسم شريف

أزاى مستنى يسمع صوت الكروان بعد ما دبحه ودبح صوته
جميله اوى
.

ريمان يقول...

يااااااااااااه


كلامك صعب اوى اوى اوى


بجد اثر فيا اوى

ومعاكى حق بجد والله

الندم طبعا مش هينفع

وكتير اوى الانسان بيكون مخادع

بنوتة يقول...

السلام عليكم
الله عليكى بجد حلو اوى
عارفة فكرتينى بعمنا صلاح جاهين
عجبتنى جدا مدونتك
تقبلى مرورى
تحياتى ليكى

عمرو جويلى يقول...

السلام عليكم
الأخت بس خلاص دا أحلى كلام يتقالبجناح مكسور اسير من النور للعتمه شديتهينوح لك بصوت مخنوق جريح فى الوحده خليته
عايزه يديك الحنان ليه بسهام القسوة رميته.
العصفور صعبان عليى أوى من إللى جراله
وأشكرك على دوام التواصل
تحياتى

zainab يقول...

حبيبتى بس خلاص

الله الله على رقتك

عارفه أكتر شئ شدنى فيكى ايه طيبه قلبك بجد و الله حاسه بكده

تحياتى

ادم المصرى يقول...

زمنك وعصفورك وكياتك وزمميرك وريحانك

وبيتك الجميل وعصفورك البدي

مدونتك تزقزق من جمال عصفيرك وجمال كلامك عنهم

على فكره عصفور وعصفوره من اسبوعين عندنا لسه بيضين اربع بيضات وحده اكسرت ابقه 3 ههههههههههه ماما قصرتها بغلطه شنيعه

r يقول...

يعنى مش كفايه السجن والضعف كمان الغدر والطعن
لا دا كتير اوى
كلماتك صعبه اوى الصراحه
بس جميله
دمتى طيبه

وردة يقول...

بس خلاص
جميلة اوووي كلماتك
وبتعبر عن حاله مهمة جدا كلنا بنعاني منها مش العصفور لوحده
الخديعة
ربنا يكرمك كلامك معبر جدا
سلام

أمير البلانكو يقول...

بس خلاص

ازيك

كلمات جميله أوي أوي أوي


رووووووووووووووووووعه


تحياتي ليكي

مـجـنـووون يقول...

الحرية معني كبير لكل كائن علي وجه الأرض

ويا خسارة الإنسان بيقدر معني الحرية وبيبقي عارف قد ايه بيكون تعبان لما تروح منه حريته

ولكنه بكل سهوله يحجر علي حرية الأخرين

يا رب فك أسر كل مظلوم وكل كائن محبوس في قفص سواء كان انسان أو حيوان

تقبلي مروري
مجنووون

مـجـنـووون يقول...

الحرية معني كبير لكل كائن علي وجه الأرض

ويا خسارة الإنسان بيقدر معني الحرية وبيبقي عارف قد ايه بيكون تعبان لما تروح منه حريته

ولكنه بكل سهوله يحجر علي حرية الأخرين

يا رب فك أسر كل مظلوم وكل كائن محبوس في قفص سواء كان انسان أو حيوان

تقبلي مروري
مجنووون

Rania Lelah يقول...

الصور و الشتبيهات فوق الرائعه

تحياتى

شيماء جمال(شيمو القمر) يقول...

بس خلاص
بجد أبهرتينى
كلامك مؤثر جدا
حسيت أن الكروان ده كل حاجة جميلة فينا وانهارت وأولها البراءة


تحياتى
شيمو القمر

آه وكفى يقول...

خاطره جميلة اوي
فعلا صعب ان ربنا يخلق لها جناحات ونحبسها احنا

تحياتي

عربي نيوز يقول...

السلام عليكم

دائماً أنت أيها الطير المسكين تقع بين قبضة البشر القاسيين
تعيش في سعادة وفرح ثم لحظات تقضيها بين تعاسة ونكد

كلمات رااائعة ودمت بود

لا تنسوا اخوانكم في غــزة من دعائكم

||..بحــر الدموع..||

تامر حسين يقول...

جميل جدا احييكي
تحياتي
ومنتظر تواجدك في مدونتي المتواضعه

بس خلاص ... يقول...

ازيك يافركش الف سلامه ربنا يقدرنا ونعمل هدنه موقوته لزيادة نزيف التعليقات بينكم ..ز انا عرضت اقتراحاتى عندكم فى المدونه ..

-----------
تايه فى وسط البلد... معك حق ليتنا نعرف من نحن
لك كل الود
-----------

د. ياسر شكرا شكرا اخجلتم تواضعنا
تصفيق حاد لكم على رقتكم

بس خلاص ... يقول...

هو مش نو
القصة دى قصة البراءه التى اغتيلت يا صديقى.... وكلامك فى الصدق حقيقى
هو هو على الغش امحيه من طريقى
الف مليون هوهوة ود علشانك

بس خلاص ... يقول...

ابو العريف ..مرحبتين ياهندسه
انت ابو العريف وتقدر وكمان مهندس يعنى تقدر تستنج كل الاسقاطات من منظور الحقيقة البحته
الف مليون تحيه

بس خلاص ... يقول...

ا. خالد
معاك حق احنا فى زمان مش لازم نعيش عصافير
فاهمك ياصاحبى
لكن احنا فى زمن البراءة بتعتبر ضعف
هل يا ترى نكره برائتنا ؟؟؟؟؟؟؟؟؟؟

بس خلاص ... يقول...

صفاء نورتينى واسعدتينى ياريت دايما تزورينى


--------
ريمان
ازيك يازعيمة منورانى وكلامك بيسعدنى ياصاحبة المدونة الجدلية العظمى
لكى كل الود

---------

بنوته
اجمل بنوته شرفتينى واسعدتينى صلاج جاهين حته واحدا
تعرفى انى من عشاقه
نورينى دايما تسعدينى
-------------

اللؤلؤه
كم لك من مشاعر رقيقة وحس مرهف
ك كل الود

-------
زينب
عروسة شبابى الجديد ... خليتى شمعى يقيد خليتى سعدى اكتمل ..لما زورتينى ياعسل

----------

ادم المصرى
شكرا ياعاشق العندليب على زقزقتك الجميله وزوقك الرفيع


--------

بس خلاص ... يقول...

بسنت مرحبا بيكى نورتينىوسعيده انك جيتينى انا هزورك وانت دايما تزورينى
-------------


وردة
وردتى الجميله زهرة البستان كفال الله شر الخديعة والمخادعين

--------

امير .. ازيك يا امير الاحلام نورتنى وبزيارتك اسعدتنى ودايما باقولك ماطولش الغياب وودنى

بس خلاص ... يقول...

مجنون ... صاحب الاراء العاقلة والحكيمة جدا جدا
اللهم استجب وتقبل لان الاسر ده اصعب شئ والاسر بمعناه المعنوى اصعب بكتير من الاسر المادى
اشكرك على تشريفك الغالى


-----------

رانيا ... ملاكى البرئ وعصفورة المدونات الرقيقة اشكرك ولكى منى الف مليون رفرفة سلام

--------------


اعترافات قلب
اعترف لك من كل قلبى انكى لمستى الحقيقة فى واقعنا الموهوم
كى كل الود

بس خلاص ... يقول...

اه وكفى
الف اه واهه اضيفها اليك من طعنة الغدر وظلمة الاسر
كفاكك الله شر الاثنين
ودمتى بكل حرية وسعادة


---------

بحر الدموع اللهم فكاسر المسجد الاقصى وانصر اهالينا فى فلسطين وغزة وكل مكان تنطق به كلمات التوحيد
لك منى اصدق الدعوات

بس خلاص ... يقول...

تامر حسين
اشكرك جدا على زيارتك ويسعدنى ويشرفنى زيارة مدونتكم
وحمدا لله على السلامه بعد فترة الغياب

Unknown يقول...

بسم الله الرحمن الرحيم
بس خلاص:
السلام عليكم ورحمه الله وبركاته...
انا بدأت اقلق علي فشكووول ...
وحشني قوي والله ...
------سؤال هوهو عن القصه جميل ولكن الأجمل أجابتك العاقله ...ولي نظره أخري ...البراءه بدلخلنا نغتالها نحن بغش بعضنا البعض (من غشنا فليس منا)
سلام ...
فركشاوي... قاهر فشكوول.

غير معرف يقول...

ياالله ..

الكلام أكثر من رائع .. على مايحمله

من ألم الغدر .. والذى ارجو معه ان

تكونى بخير ..

لااخفيك انى قلقت قليلا ..

اما عن الصورة فقد زادها شرفا

ورونقا انك اخترتيها

تحياتى الى الكلام الجميل

رئيس التحرير يقول...

بسم الله الرحمن الرحيم
أنساك ...يا سلام
أختي الغاليه...السلام عليكم ورحمه الله وبركاته.
(يابن ادم...
ياظالم...!!
عشمته بالدفا وغشيته
أتاريك مخادع
عايز تتسلى بحواديته)
بس ...خلاص :ـ بدي أعرف كي أعرف كيف اتكلم...هل هذا الطرح من انتاجك؟..أم هو أختيارك؟
في كلا الحالين ينم عن ذوق رفيع لانسان حساس صاحب حس مرهف ونفس ذكيه ...لا يخونها الحرص والذكاء...
أجمل أمنياتي...

فشكووول يقول...

العزيزه بس خلاص ..
العصفور تم دبحه وخلاص .. سيبك انت من العصفور وخلينا فيك انت
ايه رأيك نجيب قطن وشاش ومكركروم ونعمل له جبيره وان شاء الله ممكن يكون حلو.

حاجات كتير اتكسرت فينا وبنحاول نداويها لكن الجرح كبير وبيجيب مده وقيح

عذرا لتأخرى فى الرد عشان كنت فى رحلة عمل ما بين المحله وكفر الشيخ وكنت بعيد عن البيت طوال هذه المده

تحياتى

بس خلاص ... يقول...

فركش ...
اشكرك جدا على رايك الذى اعتز به دائما ... وفشكول رجع بالسلامه اهوه ... يالله بقا ورونا الهمهاحنا مستنيين جديدكم ياريت حاجة ثنائيه هتبقى جميله جدا

بس خلاص ... يقول...

شريف
اشكرك على زيارتك الجميله وكلماتك المشجعة وانشاء الله يكون هناك تواصل دائم يشرفنى ذلك

بس خلاص ... يقول...

استاذنا العزيز
رئيس التحرير هذا الكلام من انتاجى المتواضع جدا مجرد كلمات عبرت بها عن موقف معين
اشكرك لزيارتك الغاليه واشكرك علةى كلماتك الرقيقة
اتمنى ان اتشرف بزيارتك دائما

بس خلاص ... يقول...

فشكول بك حمد الله على السلامه شمال ووسط الدلتا كانوا منورين اكيد
ربنا يسلمك ياشيخ المدونين وكبير العائله مقاما .. واخد بالك مقاما لاتقول على باكبرك وتشن الحروب وانا مش قدها انا بس كل اللى على تهدئة النفوس عصفورة سلام يعنى

الحرامي يقول...

ايه الكلا م ده
عصفور ايه
شكلك تقصديني يا معلمه
انا مش بصطاد حد
انا بسرقهم بس
بس
هه
بس خلاص

موناليزا يقول...

مين شريف اللى راسم الصورة دى؟

سحساوي يقول...

زمن العصافير ولا ، و ما بقتش أزعل من اللي دبحه ، اللي دبحه أنه عصفور في زمن النخاسة ، و السؤال دلوقتي الصح ، مش يا فرعون أش فرعنك ن السؤال
يا عصفور إش عصفرك ، تستاهل كل اللي يجرالك ، لا تكن حملا وسط الذئاب ، و عندما تجرح ، تستجدي العطف و نظرات الحزن من الآخرين
كلام غبي بس اعذريني و أفهمي بقى
سلام

د.توكل مسعود يقول...

السلام عليكم ورحمة الله وبركاته...وبعد

فبرجاء التنبيه... والتنويه....على الزائرين الكرام الذين يكتبون التعليقات القيمة..أنهم عند مخاطبة الإناث يكتبون:
شكرا "لكى"
"دمتى" بخير
"جزاكى" الله خيرا

والصحيح أنها تكتب بغير"ياء".
ويفرق بين خطاب الإناث وخطاب الذكور بالحركات،

فتوضع الفتحة على نهاية الكلمة عند مخاطبة الذكور فنقول: "لكَ"، "دمتَ"، "جزاكَ"
اضغط }ض{SHIFT+
وتوضع الكسرة على نهاية الكلمة عند مخاطبة الإناث فنقول: "لكِ"، "دمتِ"، "جزاكِ"
اضغط } ش{SHIFT+

هذا من باب حب اللغة العربية والغيرة عليها...
"واللى مش بيغير.. يبقى مش بيحب"
مع الاعتذار للفصحى

وتقبلوا شكرى وتحياتى

مواطن مصرى نايم يقول...

رائع بجد

بجناح مكسور اسير من النور للعتمه شديته

و الله كلها تحفه بس اخدت دى عشان فيها اكتر من تصوير

رائع قلمك
اول زيارة و مش الاخيرة بإذن الله

تحياتى

اسلام

Beram ElMasry يقول...

بس خلاص
السلام عليكم ورحمة الله وبركاته
فى يوم ميلاد المصطفى صلى الله عليه وسلم ادعو الله لى ولك بالخير وجميع اهلك ومن احببتم بالسعادة والسرور
لك تحياتى والسلام عليكم ، ولا سلام مع اليهود

سمكه واحده يقول...

كل سنه وانتي بالصحه والسلامه
اللهم صلي وسلم علي نيبنا محمد وعلي اله وصحبه وسلم
صلي علي النبي طول اليوم انهارده اقل حاجه نعملها
ومبسش خلاص منك ابدا يا جميله
وانتي في وسط الاهل والاقارب وكل اللي بتحبيهم
وديما بخير
اللهم ارزقنا حب رسول الله
اللهم امين

blue-wave يقول...

حلو الكلام

بس خلاص ... يقول...

الى كل الاحباب والاصدقاء الكرام لكم منى كل الحب نورتونى واسعدوتنى وبجميل كلامكم اسعدتونى واتمنى منكم دايما تزورونى
وادعوكم معى بمناسبة المولد النبوى الكريم ان تدعوا معى هذا الددعاء فى نور محبة محمد صلى الله عليه وسلم سيد الخلق اجمعين

Unknown يقول...

شركة تنظيف بالرياض

شركة تنظيف فلل بالرياض

شركة تنظيف شقق بالرياض

شركة تنظيف منازل بالرياض

شركة تنظيف خزانات بالرياض

شركة رش مبيدات بالرياض

شركة مكافحة حشرات بالرياض

شركة مكافحة النمل الابيض بالرياض

شركة كشف تسربات المياه بالرياض

شركة عزل خزانات بالرياض

شركة نقل اثاث بالرياض

شركة نقل اثاث

Unknown يقول...

شركة مكافحة حشرات بالرياض

شركة مكافحة النمل الابيض بالرياض

شركة كشف تسربات المياه بالرياض

شركة عزل خزانات بالرياض

شركة نقل اثاث بالرياض

شركة نقل اثاث

Unknown يقول...

شركة تنظيف بالرياض

شركة تنظيف فلل بالرياض

شركة تنظيف شقق بالرياض

شركة تنظيف منازل بالرياض

شركة تنظيف خزانات بالرياض

شركة رش مبيدات بالرياض

شركة مكافحة حشرات بالرياض

شركة مكافحة النمل الابيض بالرياض

شركة كشف تسربات المياه بالرياض

شركة عزل خزانات بالرياض

شركة نقل اثاث بالرياض

شركة نقل اثاث