الجمعة، أبريل 03، 2009

تاج الصراحة

تاج انا جالى تاج من ابو العريف صديقنا العزيز

وتحت التهديد والضغط الارهابى من الحرامى اللى كان حد مش فاهم حاجة وبقدرة قادر كده اتحول الى ابو العريف اضططرنا نحن ً بس خلاص ً بالاجابة عن الاسئلة اللى جايه
اسمى: بس خلا ص اعرفكم بنفسى اكثر زى عمنا صلاح جاهين ما قال
أنا اللي بالأمر المحال اغتــــــــــــوي
شفت القمر نطيت لفوق في الهـــــوا
طلته ما طلتوش إيه انا يهمنـــــــــي
و ليه .. ما دام بالنشوة قلبي ارتوي
عجبي
اسم مشهوره بيه: اسماء كثير جدا احبهم الى قلبى رضوىاو( ام هند )


سنك : هسيب برضه عمنا صلاح جاهين يرد المره دى
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبى
مجال دراستى : كتييييييير انا درست فى اكثر من مجال لدرجة ان الناس اللى حوليا بيقولوا لى انتى غاويه وجع قلب


درست اتصالات الكترونية وتكنولجيا -درست ادارة اعمال - حتى فى الثانويه درست علمى علوم ورياضة وادبى شفتوا بقا غاوية وجع قلب ورغم ذلك مؤمنه جدا بأن العلم فى الراس مش فى الكراس علشان كده مخى محشى حاجات كتييييييييير .........

اسم مدونتى : ووووووووووولايهمك لصاحبتها بس خلاص
الصورة اللى فى مدونتى بتعبر عن ايه :
صورة بنوته حلوة شقيه بتفكرنى بأيام الطفولة بينى وبينكم انا كنت طفله شقيه جدا جداا
هل فكرت فى اغلاق المدونه :
لحد دلوقتى لا .. لكن لو لحظه حسيت اننى فقدت حب الناس هقفلها فورا لان اكثر حاجة بتسعدنى هى حب الناس باحس ان دى ثروة لايمكن تعويضها


لو حد كتب تعليق مش مناسب او تعليق خارج لا سمح الله:

طبعا هيكون مصيره التجاهل والحذف وبعدين هقعد افكر بينى وبين نفسى ليه صاحب التعليق كتب كده......؟؟؟
اسوء مدونه: لسه مادخلتهاش ولو دخلتها صدفه هخرج بسرعه واكفى على الخبرماجور


هيحصل ايه للايميل بتاعك لما تموت...؟

طبعا مش هلاقى رد اجمل من رد ابو العريف هستلفه منك ياهندسه


ما يولع اعمله ايه
ههههههههههههههه
انا هبقي فاضي للاميل

اديت الباسوورد بتاعك لحد ...؟
ساعتها مش هيبقا با ص ووورد هيبقى باص وسط البلد


السفربالنسبه لك ايه ...؟



طبعا زمان قالوا للسفر سبع فوائد وده شئ حقيقى اما من وجهة نظرى لو عايز تتعرف على شخصية انسان صاحبه فى السفر.. باحب السفرواعشقه لكن بخاف من الغربه

المود بتاعك ؟
طبعا ده سؤال صعب جدا وممكن يخلينى ما اعرفش اعدى الامتحان ده... امممم !!!! السؤال ده بيفكرنى بأغنيه اسمها ساعات ساعات يعنى ساعات اكون مجنونه وثائرة وساعات ابقى هادية ومتأمله وطبعا اكتر كلام بلاقيه بيعبر عنىفى اغنيتين بحبهم جدا اغنية ايمان البحر درويش واسمها( عرفتينى) وكمان اغنية المطرب السعودى محمد عبده اسمها( مجموعة انسان) ياريت تسمعوهم هتلاقونى باسمعهم معاكم عشان نتعرف على بعض اكتر .


بتعملى ايه فى وقت فراغك ؟
ماعنديش فى الوقت الحالى والحمد لله وقت فراغ ولكن لو لاقيت وقت فراغ بناااااااااااااااااااام الله عليك يانوم... يانوم يانوم
اقولكم بقا حكمه على الماشى بتقول ( ماأحلى النوم لو استطعنا اختيار الاحلام )



الأكلة المفضله :
الأكلة المفضله طبعا كل نعم ربنا حلوة والحمد لله والاكله المفضله هى اللى بناكلها واحنا مع الناس اللى بنحبها بس بينى وبينكم بقا انا بموووووت فى الطعميه السخنه

الصفات اللي ورثتها عن والدى:
رحمه الله والدى هو مثلى الاعلى كان استاذا بالجامعة وكان يكتب الشعر والادب وكان يجيد اكثر من لغة وكانت شخصيته قويه جدا.. واذا تركت لنفسى العنان سأكتب فيه دواوين رحمه الله توفى فى سن مبكره جدا .
الصفات اللي ورثتها عن والدتك ..؟
امى شخصيه عنيده جدا شخصيتها قويه وذات عزيمه واصرار لاتسطيع ان ترجعها عن شئ اقتنعت به
اراها فى نظرى اقوى شخصيه قابلتها ....ولقد ورثت عنها الاصرار ولكننى حاولت ان اداوى نفسى من العناد .
اكثر ست اشياء اكرهها : طبعا اولهم ابو العريف اللى ورطنى فى هذا التاج وخلانى قاعده عرقى مرقى زى مابيقولوا لا طبعا ابو العريف ده مدون محترم جدا وانا اكن له كل التقدير

ولكننى لن ادعى المثاليه بس فعلا اكثر شئ اكرهه فى حياتى الكذب ثم الكذب ثم الكذب ثم الكذب
لان الكذاب شخص جبان وانا اكره الجبن واذا كنت جبان ستصبح منافق وانا اكرهالنفاق وكفايه كره بقا نرجع لباقى الاسئله
شخصيتك نوعها ايه....؟ ماحدش يقدر يحكم على شخصيته ولكن المحيطين والمتعاملين مع الانسان هما اللى يقدروا يحكموا وممكن تعرفوا شخصيتى من اجاباتى مثلا وانا كمان جاوبت فى سؤال المود بتاعى....
لماذا دخلت عالم التدوين ...؟ ارشدتنى اليه صديقتى ماعلينا ولاقيته عالم جميل جدا بس هى جابتنى هنا وخلعت .. بحبها جدا وبحبكم كلكم ...
اجمل كلمه اتقالت في وصف مدونتك.....؟طبعا اى حد بيكتب عندى تعليق باحس ان هو اجمل كلمة اتقالت لانه بيعكس وجهة نظر تستحق التقدير ولكن صديقى العزيز صاحب مدونة هو مش نو كتب عنى بوست جميل جداسمه (بس خلاص كلها اخلاص )ا ارجو منكم انكم تزوروا مدونته وتقروه اعتز جدا بهذا البوست واعتزبصاحبه

اهميه التعليق بالنسبه لى

: طبعا النعليق شئ مهم جدا وهو ده اللى بيدى للمدونه روح وبيعكس احساس الناس بيك وكما ن بتقدر تقيم نفسك من خلال التعليقات وكمان بتتعرف على شخصيات الناس من خلال تعليقاتهم وطبعا لتعليق هو رمز التواصل بين المدونين

احسن بوست كتبته :

لسه ماكتبتهوش لانى دايما عندى الشعور بأن بداخلىالكثير وباحاول اخرج ده فى البوستات ولكننى فى النهايه اشعر بالعجز عن التعبير
افضل بوست قرأته ..
.؟ليه بقا السؤال اللى يزعل ده عايز تشعل الفتنه بينى وبين حبايبى يابو العريف .. كل بوست قريته اضاف الى الكثير فعلا بدون مجامله بادخل بوستات باموت فيها من الضحك والاقى الهم من قلبى اختفى وكمان بوستات حالمه تطير بيك فوق السحاب وبوستات كلها ثقافة ووعى وتنم عن شخصيات محترمه وعاليه الثقافة بالاضافة الى مدونات الفنانين والرسامين اللى بتلاقى عندهم الراحة النفسية وممكن تقرا شخصيتك فى لوحاتهم طيب ازاى بعد كل الجمال ده تقدر تميز مين افضل

فى النهاية احب اختم كلامى بكلمتين من عجايب عمنا صلاح جاهين لوسمحتولى
ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
وعجبى
............
يأسك و صبرك بين إيديك و انت حر
تيأس ما تيأس الحياه راح تــــــــمر
أنا دقت مندا ومندا عجبي لقيــــــت
الصبر مر و برضك اليـأس مـــــــر

امرر التاج لمين

بصراحة دى تجربة صعبه جدا لا اريد ان افرضها على حد معين لكن اى صديق يحب يعرفنا اكثر عليه ويعتبر دى دعوة مفتوحة لاحبابى اللى يحب يتفضل ويبقى على رأى المثل جنت على نفسها براقش

هناك 62 تعليقًا:

مـجـنـووون يقول...

بجد تشرفنا بمعرفتك

ويا رب تقدري تحققي كل احلامك وامالك


تقبلي مروري
مجنووون

مـجـنـووون يقول...

بجد تشرفنا بمعرفتك

ويا رب تقدري تحققي كل احلامك وامالك


تقبلي مروري
مجنووون

أبو العريف يقول...

بس خلاص
ولا اقول يارضوي
جميل اوي ردك المطعم بكلام
جاهين
ومعلش بقي انا دبستك مع ان الاجابه فعلا بتبقي صعبه
بس كان لازم نعرفك يا شيخه
عموما
ولا يهمك

Rania Lelah يقول...

جميييله اوى اجااتك و بجد ضحكتنى اوى اوى موضوع الاسيمل و الباس ورد
عسل و الله بجد
موضوع العلم و المجالات الكتيرة دة جميل بردة اوى

تحياتى ليكى و لشخصيتك الرائعه

mohamed ghalia يقول...

جميلة إجاباتك
ربنا يسعدك دايما

صدى الصمت - عاشقة الورد - يقول...

إجاباتك جميلة جداً ومقنعة للغاية
وخصوصاً الإيميل ال هيولع دة
والله عندك حق أنا هأشغل نفسى بيه لية
تحياتى

عاشقة الورد

ريمان يقول...

السلام عليكم

اجاباتك جميله ما شاء الله

وكمان اتعرفنا عليكى اكتر

عجبتنى اوى اوىالكلمات اللى فى اخر البوست دى

تحياتى ليكى

سحساوي يقول...

ألف مبروك على التاج و عقبال تاج الجنة إن شاء الله ، إجاباتك كانت جميلة .

♥نبع الغرام♥♪≈ يقول...

السلام عليكم ورحمة الله وبركاته
أختى الفاضله صبحاوك سكر
تقبلى مرورى
وبصراحه التاج لايق عليكى وأسئلتك
بجد عجبتنى قووى
أنا جانى تاج برده وخضت تجربه صعبه عبال مافكرت ارد
المهم البوست روعه
والمدونه زى العسل من أجمل بنوته
أرجو التواصل يا أختى
تقبلى تحياتى
إيناس

شيماء جمال(شيمو القمر) يقول...

ايه دا ده
ده كل المدونات مجاوبة على التاج
اجاباتك بتقول انك شقية قوى ودمك خفيف جدا أولادك خدوا ده منك والا لأ
أنا جاوبت على التاج ده برضه وكان امتحان صعب.
تحياتى
شيمو القمر

يا مراكبي يقول...

كل تاج وإنتي طيبة

لسة فيه تيجان كتيييير .. إسأليني أنا

د.توكل مسعود يقول...

بس خلاص

السلام عليكم ورحمة الله... وبعد

فلا أدرى كيف أشكركم ... ولا أستطيع ذلك... ولكنى أكل إلى الله شكركم.... ولعل عمق الأخوة.. وصدق الحب.... وإخلاص الدعاء... كانوا جميعا وراء هذه الانفراجة السريعة التى لم أتوقعها ولم تحدث معى من قبل......جزاكم الله خيرا وأحسن الله إليكم.

أمل حمدي يقول...

شخصية جميلة

وأجمل شيء أنك عرفتي العيب وبتداويه

ما أجمل أن يكون المرء مرآة نفسه

تقديري لك

ولرباعيات جاهين

Unknown يقول...

بسم الله الرحمن الرحيم
بس خلاص:ـ
السلام عليكم ورحمه الله وبركاته .
بسم الله ماشاء الله ...ايه الحلاوه دي.
رضوي ...ربنا يكرمنا بالرضا يارب.
...كلمه في سرك ...مين هومش نو ده؟
علي فكره ...دا صاحبنا انا وعمك فشكول..

هــو..مش ..نـو يقول...

يااااااه....دا أنت مُش كٌلك إخلاص بسْ
أخلاص ووفاء ...كمان
يا سلاااااام
كم أنت رقيقه .
أيتها الشقيقه.
دمتِ لنا في التدوين رفيقه.
بس خلاص ..كفايه.

Unknown يقول...

هههههههههههههههه
اولا انتي دخلتي مدونتي كده عادي من غير هدية عيد ميلادي و ده شئ طبعا مش هسكت عنه

ثانيا انتي جبتي الرباعية دي
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام

و دي بقي بالذات ليها معزة خاصة عندي جدا جدا جدا جدا

ثالثا متحبيش الطعمية السخنة لأنها مش بتحبك ده حتي كفاية انك غاوية وجع قلب !!!!! عارفة امتي ميبقاش وجع قلب لما تقري في مجالات محدودة و تتعمقي مش اي حاجة تقع تحت ايدك تقريها كده :D
ارحمي شوية !

رابعا شخصيتك جميلة اوي و سيبك من كل الكلام اللي فوق !!!!

خامسا انا نزلت جزء تاني !

سلام بقي !

الربان يقول...

تحياتي

اشكرك لانك اصطحبتينا في رحلة الي عالمك المجهول لدينا....لكن الان المحكمة اتنورت
و نعرفنا علي جوانب مضيئة من شخصية جميلة...

كل الامنيات الطيبة لحضرتك.

تحياتي و تقديري

عمرو جويلى يقول...

بس خلاص
السلام عليكم
أسعدنى تواصلك الطيب
وإجلبلت مقنعة وخفيفة الظل وإختياراتك من شعر جاهين روعة
دمت بكل الخير

وردة يقول...

تشرفنا يا ام هند
بجد التاج ده عرفنا علي شخصيتك الجميلة
احنا المفروض نشكر ابو العريف
لاه اهدالك التاج الجميل ده
وفي انتظار بوستك الجديد
ربنا يكرمك
سلام

KHALED يقول...

إجاباتك الشقية اللذيذة أحييت التاج

هههههههههههههه
شكرا لسؤالكم عن حظرتنا نحن بخير و العود قريب بإذن الله


أرق تحية

صفــــاء يقول...

وماله لما تدرسى فى أكتر من مجال
دة مش وجع قلب
دى سعه فكر
كويس انك محبه للمعرفه والعلم
ربنا يوفقك ويحقق لك كل اللى بتتمنيه
.

Asmaa Fathi يقول...

.. لكن لو لحظه حسيت اننى فقدت حب الناس هقفلها فورا لان اكثر حاجة بتسعدنى هى حب الناس باحس ان دى ثروة لايمكن تعويضها


معاكى حق حب الناس من اغلى الكنوز اللى ممكن يمتلكه حد
اجباتك هايلة وتحمل فى طياتها الكثير من الصدق والشفافيه
دمتى بود
تحياتى

تايه في وسط البلد يقول...

بس خلاص العزيزة

اجابات جميلة وتلقائية وغير مدعية في نفس الوقت

تعرفي انك عنيدة وتداوي نفسك من العناد
لا تدعي القدرة علي الحكم علي نفسك

تكرهي الكذب

تقديري الشديد

ريمان يقول...

السلام عليكم

ازيك يا قمر

عامله ايه


كل تاج وانتى طيبه يا قمر

مش عارفه انا حاسه انى علقت ع التاج ده قبل كده بس مش لاقيه تعليقى ليه؟

يمكن تكون القطه اكلته

هههههههههههههههه


تحياتنى ليكى يا قمر

وكويس اننا عرفنا شخصيتك اكتر واكتر

r يقول...

سعدت بمعرفتك عن قرب
ودايما التاجات بتقوم بالعمل دا بشكل جميل جدا
وعجبتنى جدا اجاباتك برباعيات المبدع جاهين

دمتى بكل الخير

د. ياسر عمر عبد الفتاح يقول...

إجابات جميلة
نفس التاج جالي ومعرفتش أجاوب نص الأسئلة

ادم المصرى يقول...

اولا تاج جميل وأسئله اجمل

ثانيا انا مش عارف اشكرك اذاى

على كلامك الجميل جدا ومش عارف دى مجمله

وله كنتى بتغدى بخطرى بس اكيد دا كان احساسك من كلامى

وبجد انا سعيد بيه جدا انا بشكرك بشده وبجد انا سعيد انا بقه ليا اخوات ذى حضرتك مرسى كتير

بنت الغربة يقول...

بس خلاص حبيبتى
ازيك ياقمر وحشتينى والله
التاج ده جه فى وقته وعرفنا عنك حاجات كتيرة قوى ياجميل ..
وباين عليك انك لسه شقيه لغاية دلوقتى ياجميل..
بس زى العسل والله
تحياتى ليك ياقمر

فشكووول يقول...

بس خلاص العزيزه ام هند
تحياتى
اول مره اعرف انك متزوجه وعندك هند ر بنا يخليها لك
كمان لم اكن اعرف تقديرك الكبير للمرحوم صلاح جاهين رحمه الله كان فنان موسوعى

اجاباتك كلها تنم عن شخصيه جميله قويه مثقفه طموحه

رحم الله والدك واسكنه فسيح جناته وربنا يخلى لك الست والدتك

تحياتى

blue-wave يقول...

ههههههههههههههه
حلوة اجاباتك
وعجبتنى حتة ان الميل يولع دى:))

KHALED يقول...

لماذا الغياب .. !!؟؟

عايزين رأيك بسرعة فى أخر لوحة
و طبعا عارفة مكان الجاليرى
ماتتأخريش
ياريت تذيلى التعليق بالأسم إللى تحبى يتكتب على التعليق من برة و ياريت يكون واقعى

مستنيين

تحيات كتيرررررر

كلمة حق يقول...

السلام عليكم ورحمة الله وبركاته

شاركونا النقاش حول أهم القضايا التى تواجه الأمة فى الوقت الحاضر

كن إيجابياً وشاركنا من اجل الافادة والاستفادة

أبو خيرى

zainab يقول...

عزيزتى رضوى

أول مرة أعرف اسمك

تحياتى على هذا التاج و اجاباتك

عارفه أكتر شئ عجبنى ايه أبيات صلاح جاهين اللى كتبتيها

الأبيات دى انا دايما بقراها

تحياتى

zainab يقول...

اه كمان أول مرة أعرف انكك متزوجه و عندك بنوته

ربنا يخليلك هند و يبارك فيهايارب

تحياتى

غير معرف يقول...

ردودك جميلة .. وسط بين الحكمة وخفة الدم .. لكن فيها صورة طفلة شقية .. وعقل يزن كل شئ قبل قوله

شوفى ياستى .. أولا فى السفر خمس فوائد
(وليست سبعة كما هو شائع)

وهذا قول الامام الشافعى كرمه الله فهو يقول

سافر فإن فى السفر خمس فوائد

تفريج هم .. واكتساب معيشة .. وعلم وآداب .. وصحبة ماجد

تحياتى للتاج الجميل .. والشخصية الأجمل .. واذا لقيتى وقت وهذا طلب عسير طبقا للردود .. زورينى .. ربما وجدت شيئا يعجبك

أبو العريف يقول...

بس خلاص
فينك من زمان
طمنينا عليكي

بس خلاص ... يقول...

السلام عليكم ورحمة الله وبركاته
كل اصدقاءى الاعزاء وحشتونى جدا ووحشتنى زيارتى لمدوناتكم الجميله
ولكن لظروف خارجة عن ارادتى ابتعدت قليلا ولكن ليس بقلبى فقلبى داما معكم لاننى اجد السعادة الحقيقية فى التواصل معكم
وادعو الله لكل اصدقائى بكل الخير
دعواتكم لى شئ يسعدنى ويجعلنى اتغلب على كل مصاعب الحياة لاننى اشعر ان هناك اوناس يملاء الخير قلوبهم مازالوا موجودين فى هذه الحياه

واخص بالشكر كل اصدقائى
مجنون - ابو العريف - رانيا - محمد غالى - صدى الصمت - ريمان - سحساوى - عاشقة الاحزان - اعترافات قلب - المراكبى - د. توكل مسعود - ماما اموله - فركش العزيز - هو مش نو الصديق المخلص -طعميه سخنه اللى وحشانى - الربان - اللؤلؤه - وردة - خالد الفنان - صفاء - جنه ماجد - تايه فى وسط البلد- -بسنت - د. ياسر عبد الفتاح - ادم المصرى - بنت الغربة - فشكول - بلو ويف - كلمة حق ابو خيرى - زينب عطر الجنه - الاستاذ الفنان شيرين --
لكم منى كل الحب مع وعد بزيارة قريبه لمدوناتكم حتى اعود الى سعادتى مره اخرى التى وجدتها بينكم
دعواتكم ..
مع ارق دعواتى لكم جميعا بكل الخير

بس خلاص ... يقول...

انت تسأل والكمبيوتر يجيب
يشرفنى جدا الاستماع الى هذا البرنامج الثقافى الجميل
مع وعد انشاء الله بمتابعة التدوين والتعليق فى موقعكم العظيم
مع ارق تحياتى بالنجاح والاستمرار

سحساوي يقول...

انت فييييييييييييييينننننننننن وحشتيناااااااااااااااااااااااااا
طولتي الغيبة المرة دي لي

KHALED يقول...

أنا جاى مخصوص أقولك كلمتين عتاب على تأخيرك و إذ بى أوفاجأ بتعليقك الأخير بتقولى فية إنك عندك ظروف ...

عموما ربنا ييسرلك الخير و يكرمك و ترجعيلنا بالسلامة

م/ الحسيني لزومي يقول...

61عاما علي النكبة
ونحن أقرب للعودة
والعودة حق لا عودة عنه
شارك في الحملة الالكترونية لإحياء الذكري ال 61 للنكبة ( عائدون)
ضع شعار الحملة علي مدونتك

♥نبع الغرام♥♪≈ يقول...

السلام عليكم
ايه ياقمرايا فينك
طولت الغيبه علينا لعل المانع خير يارب
دمتى بألف خير
انوسه

zainab يقول...

عزيزتى أم هند

انا جيت أطمن عليكى يارب تكونى بخير

طمنينا عليكى

klmat يقول...

اجابتك جميله لشخصيه جميله صريحه ومثقفه
وتراعى مشاعر الجميع ودبلوماسيه فلم تذكرى اى بوست عجبك بطريقه قمه فى الذوق والرقه اتمنى لك دوام التوفيق والنجاح
اعذرينى على التأخير غصب عنى
سلااااااااااااااام

سمكه واحده يقول...

لا كده كتير اوي بجد
وانا بدأت اقلق
وببعتلك كتير رسايل ومش بتردي عليها
طمنيني في ايه مالك
يارب تكوني بخير
يارب اشوفك قريب او حتي تبعتي رساله او تعليق
انتي نستيني ولا ايه بس
مالك في ايه؟؟؟؟؟؟؟؟؟؟؟؟؟؟؟

mohamed ghalia يقول...

ايه كل الغياب ده

عماد خلاف يقول...

ياريتك اتجوزتى وخلاص وادهديتى احسن مش كان ساعتها يبقى كل شئ زى الفل المهم اناعماد خلاف عندى مدونة ياربى اتنين
واحدة خاصة بالادب بالمجموعة القصصية بتحتى والتانية بالمقالات
http://emadkhalaff.blogspot.com/
التانية
بحلم ببكرة

سمكه واحده يقول...

هو من ساعه تاج الصراحه ده وانتي اختفيتي
بعتلك كتير
ياريت تطمنيني حتي بتعليق او رساله
قوليلي اخبارك ايه

Tadwina يقول...

مرحباً
لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.

قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
يمكنك متابعة مدونتك على الرابط التالى:
http://www.tadwina.com/feed/1436

يمكنك متابعة باقى مدونات تدوينة دوت كوم على الرابط التالى:
http://www.tadwina.com

لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع ونرجو منك مراسلتنا للأهمية على الايميل
Tadwina@gmail.com
لوضع البانر الخاص بنا على الصفحة الرئيسية لمدونتك حتي يستطيع قراءنا في مصر والوطن العربي من متابعة تدويناتك المستحدثة

و لكم جزيل الشكر،

فريق عمل تدوينة دوت كوم.
http://www.tadwina.com

عمرو جويلى يقول...

الأخت الفاضلة
السلام عليكم
طال غيابك عنا
فلعل المانع خير
وكل عام وأنت والأسرة الكريمة بخير

محمد عتلم يقول...

كل عام وانتم بخير بمناسبة شهر رمضان الكريم

سمكه واحده يقول...

فينك؟؟؟؟؟؟؟؟؟؟؟؟؟
كل سنه وانتي طيبه
طنينا عليكي
حبيت اسلم واقلك
رمضان كريم

KHALED يقول...

ينفع كدة يعنى ...!!!!!!

كل عام و أنتم جميعا بخير

كنت معدى فحبيت أمسى
فهل من مجيب ؟؟؟؟

فشكووول يقول...

انت فين واحشانى خالص
السلام عليكم ورحمة الله وبركاته

صوما مقبولا وافطارا شهيا

عيد سعيد اعاده الله عليكم بالخير واليمن والبركات

كل عام وانتم بخير

م/ الحسيني لزومي يقول...

من اجل
وطن آمن مستقر...حياة افضل.
من اجل
محاربة الفساد....مقاومة التزوير
من اجل
ان تكون مقدرات هذا الوطن بأيدينا
شارك في الحملة الشعبيه للقيد بالجداول الانتخابية
ضع شعار الحملة علي مدونتك
عذرا علي عدم التعليق علي البوست

فشكووول يقول...

السلام عليكم

تحياتى

أيناك يا طائر غائب من زمان

عيد سعيد وعمر مديد اعاده الله عليك بالخير واليمن والبركات .. وكل عام وانتم بخير وسعاده

د.توكل مسعود يقول...

السلام عليكم ورحمة الله وبركاته
وبعد..
فكل عام وأنتم بخير وعافية .. شكر الله لكم متابعتكم لمدونتي ومدونتكم "بلاوطن" ..
لا أرى أنى غبت عنكم فقد كانت تدويناتي تبلغكم ولاأرى أني غبت عنكم فقد كان سؤالكم ودعاؤكم يبلغنى .. وهكذا أرواح المؤمنين وقلوبهم التي ألف الله بينها فلم يعد لقوة من قوى البشر أن تفرق قلوباً ألف الله بينها ..
دمتم بخير وعافية
د/ توكل مسعود

maxbeta3zaman يقول...

مبروك على السلطانيه لقد قلوظت نفس السلطاتيه لى من حيث لا أدرى ...واضح تأثرك بالرائع جاهين الذى أعتبره من أجمل شعراء العاميه فى العصر الحديث
تحياتى

KHALED يقول...

كل سنة وانتى طيبة ورمضان كريم

اقصوصه يقول...

رمضان كريم

وكل عام وانتم بخير :)

Unknown يقول...

شركة تنظيف بالرياض

شركة تنظيف فلل بالرياض

شركة تنظيف شقق بالرياض

شركة تنظيف منازل بالرياض

شركة تنظيف خزانات بالرياض

شركة رش مبيدات بالرياض

شركة مكافحة حشرات بالرياض

شركة مكافحة النمل الابيض بالرياض

شركة كشف تسربات المياه بالرياض

شركة عزل خزانات بالرياض

شركة نقل اثاث بالرياض

شركة نقل اثاث

أسواق أونلاين يقول...

جيد