السبت، ديسمبر 13، 2008



الست ام حسين دى ست امورة وطعمه زى مانتم شايفينها فى الصورة وده المأسوف على شبابه ابو حسين بقاله فى الغربه يجى اكثر من عشرين سنه بيحاول يكون نفسه بس هى كتر خيرها مش مدياله فرصة.....

تعالوا نشوف بعتاله جواب فى العيد بتقوله ايه :

يابو حسين باهديك السلام .... وبادعى يارب يقرب الايام ..

الاولاد ياخويا تمام التمام ....وخصوصا المزغوده وئام ...

بتقولك يابابا الف الف مليون سلام ....ابعت لى شنطتين وهدوم وكام دسته اقلام ... آه ياريت يابابا تبعت لى موبايل ماشمعنى الهام ....دى طول النهار فى موبايلها مابتبطل كلام ......

اما عنا احنا ياخويا ماناقصنا اى حاجة ....زى مانت عارف غيرنا التلاجة ... والبوتجاز بيولع لوحده كده لاكبريت ولاحاجة ..... والعفش الجديد يابو حسين ايه اخر الاجه ....

والنبى العيال حلوين ..معيدين ومهيصين ...جبتلهم فى العيد خروفين ...وامك وابوك لسه عندنا قاعدين

بس العيال شويه مقلقين ... قال غير الدش والموبيلات عايزين (لابين) ابعت لهم وخلاص ماتزعلهمش يابو حسين ..اصلهم فى السيبرات عينى عليهم متحيرين ..... يخليك ليهم ياخويا وليا وللبنتين....
بقولك ايه ياخويا امسك ايدك حبه فى المصروف .....ماحنا ياما لسه جاى لنا ظروف ...واوعى لروحك شويه اعمل معروف
شوف كنت هنسى ..

واخد على خطره منك الواد اسلام ..بيقولك وعودك يابابا كلام فى كلام ....
هو انت ياخويا كنت واعده بايه ... بيقول قال عربيه شيفورليه ...
زى بعضه هاتهاله ماتزعلش الواد ... ولاانت يابو حسين شايف ايه
وباطمنك احنا على ايدينا ماسكين .... الشهر نصه ماصرفنا غير الفين ....خليك ترجع لنا بقا ونعيش لنا يومين
بس خلاص
المخلصة ام حسين

هناك 51 تعليقًا:

إيمان قنديل يقول...

جميله قوي بتفكرني برضه بقصيدة لعبد الرحمن الأبنودي

مش فاكره كان أسمها ام سماعين باين؟

Unknown يقول...

ايه دا ...كان نفسي اكون اول تعليق
مكسوف ..منك ...خالص ...مكسوفه انت كمان..بس خلاص بلاش كسوف.++++++++++
لي عوده بعدمطالعه الموضوع الجديد
كل سنه وانت طيبه ...

هــو..مش ..نـو يقول...

أم ( حـ عيال ـجات ) عندي هناك ...اجي ألأي أم حسين هنا ...أمال أم أويئ فين ...تلاقيها بتهوهو ..يالا بقي ..نروح نهوهو ...هوهوتنا في حارتنا ...أحسن تزعلي من انت كمان ..وانا الي بقول ماليش غيرك..هوهوه ..بقي

حاجــ عيال ــات يقول...

السلام عليكم يا أم حسين
والنبي الست جدعه وزي الفل

ياربي ليا زيارة تانية ليكي ان شاء الله

جهاد مشالي

KHALED يقول...

ههههههههههههههه

أم حسين للأسف فى منها كتير
المهم إنة العيب موش على أم حسين
العيب على أبو حسين إللى مس عارف يوجة الدفة و يكون هوا الوحيد إللى ماسكها ....
يمكن علشان مسافر ....
أدى عيب السفر

تحية محملة بعبير الزهور البرية

kh يقول...

السلام عليكم ورحمه الله وبركاته
هذا المثال فى منه كتير فى الدنيا اللى احنا عايشينها دى

شكرا على البوست والكلام الرائع

وسلاااااااااااااااام

هــو..مش ..نـو يقول...

علشان تعرفي اد ايه انا وفي ...
جيت علشان اعزي في المرحوم شاويش..
بس هو اما مات ...ما ترقاش ترقيه تشجيعيه ...وطلع بره شاويش بس ...مااخدش باش شاويش...والله الله يرحمه!
واهي دنيا ...بتهوهو..فينا.

رئيس التحرير يقول...

السلام عليكم ورحمه الله وبركاته...
بس خلاص ...انا زعلان منك خالص .
يعني دورتي في ستات الدنيا كلها ...ما لقتيش غير ام حسين ؟
ما فيش أم حد تاني ...غير أم حسين ...ماشي ..ماشي ..يا بس ..هس ولا كلمه

msafa يقول...

صعبت عليه ام حسين اوى اوى
الراجل ده مش حاسس بيها خالص

Beram ElMasry يقول...

العزيزة . بس خلاص
بارك الله فيك واعاذك من الشيطان والبسك ثوب الصحة والعافية وادام عليك نعمه انت ومن تحبين
عزيزتى انا عليك عاتب ، لما الانقطاع عن زيارة عمو بيرم وانا لم اكتب الا محبة فى الادباء الجدد من امثالك ، لعلك تقولين وانت مبتزورناش ليه ، اقول لك انا اكتب كل ثلاثاء وكل من زارنى ازوره واقرا احدث ما كتب واعلق عليه فى حدود المسموح فمن جربت عليه تقبل النقد انقده وبلا اسهاب ، ومن يحب المديح اتجنب المواجهة ، لانى لا احب ان اخسر احدا لماذا ؟ لانى لا ارمى الى شهرة ولكن لايقاظ الهمم وتفتيح العيون
كلهن ام حسين مع ان حسين لم يرد ذكره فى قائمة المنتفعين
(لابين) ايه اللابين ده تصغير لبن
ان نموذج ام حسين دليل مادى على ان ادم ونسله حمير وعلى راى المثل علم فى المتبلم يصبح ناسى
قرات قصيدة الشاعر فاروق ولكن لم اكملها لانها طويلة وصورها مكررة (ويسرق من عيون الناسلون ) الناسلون خطا من الناسخ والصحيح الناسلين
لاتحرميننى الزيارة ولك تحياتى

وليد يقول...

ربنا يبارك فيك جميلة جدا

SemSem يقول...

اول زيارة ومش الاخيرة باذن الله

الجواب عسول اوى والكلام طبيعى جدااااا

فشكووول يقول...

هس فنش : ايه حكايتك .. ايه اللى عرفك الحركات بتاعة الزوجات اللى اجوازهم مسافره .. والراجل يا عينى يحرم نفسه من ساندويتش بره .. والعيال هنا زى المبرد عمالين يصرفوا على اخرهم وهو يا عينى صحته ضاعت وحاله عدم وعياله آخر روشنه وصيعنه .. حلو صيعنه دى .. اصل بلف على حبايبى كلهم النهارده عشان اكلم معاهم ..سلام بقى

فشكووول يقول...

هس فنش : ايه حكايتك .. ايه اللى عرفك الحركات بتاعة الزوجات اللى اجوازهم مسافره .. والراجل يا عينى يحرم نفسه من ساندويتش بره .. والعيال هنا زى المبرد عمالين يصرفوا على اخرهم وهو يا عينى صحته ضاعت وحاله عدم وعياله آخر روشنه وصيعنه .. حلو صيعنه دى .. اصل بلف على حبايبى كلهم النهارده عشان اكلم معاهم ..سلام بقى

mr_raafat يقول...

بس خلاص
أيه دا يا أم حسين خليهم 3 لبات عشان الغلبان .
أسلوب رائع ويدل علي عقل متفتح وبوست جامد وحكاية لذيذة جدا ياريت ما تحرمينا من الموضوعات الساخرة دي حتي نبكي علي حالنا وأأأأأأأه من أم حسين وأخواتها اللي ضيعوا الأولاد والأزواج
تقبلي تحياتي ....

Unknown يقول...

ظريفة أوي

كل عام وانتم بخير

mohamed ghalia يقول...

ربنا يعينك يا أبوحسين
جسدتى حالنا ومطالبنا بطريقة رائعة
سلم لكى قلمك
دمتى بكل الود
فى حفظ الله

moory-mero يقول...

السلام عليكم و رحمة الله و بركاته

ههههههههههههههههههههههههههههه

هموت م الضحك وربنا انتي عثثثثثثثل

اول زيارة ليا وشكلها موش الاخيره يا قمر

بس بجد ام حسن ماسكه ايدها خالث

امال لو كانت مبذرة كانت عملت ايه ههههههههههههه

تسلمي يا كميلة على الجواب الحلو ده

ههههههه

في رعاية الله

اقصوصه يقول...

looooool

طريفه جدا

تدوينه جميله

استمتعت بقرائتها

تمنياتي بالتوفيق :)

بس خلاص ... يقول...

مكسوفة هانم .. اشكرك دائما تنورينى
---------
فركشاوى ناوىفى انتظار عودتك كل سنه وانت طيب
---------
هو مش نو ... انشاء الله نديك عنان ام اويئ تروح تهو هو عندها شويه ..ربنا مايجيب زعل انشاء الله
----------
ام حسين دى ست مافيش زيها بس هى ظروفها صعبه شويه ويارب يكون اللى زيها مش كتير .... تشرفينى ياجىجى
------------

بس خلاص ... يقول...

حاجات عيال
ام حسين دى ست مافيش زيها بس هى ظروفها صعبه شويه ويارب يكون اللى زيها مش كتير .... تشرفينى ياجىجى

بس خلاص ... يقول...

أ. خالد ... شكرا على تعليقك الجميل ربنا يكفيك شرها
وشكرا على صحبة الزهور البرية .. ربنا يقدرنى على رد ورودك الجميله والله ماعارفة اودىها فين

بس خلاص ... يقول...

kh >>> على كل حال ....شرفتنا..... نورتنا

بس خلاص ... يقول...

رئيس التحرير .... باشا ياخبر تزعل انا اقدر ياباشا ام حسين دى ست زى العسل وبعدين حسين ده غير حسين التانى ... انا قلت ام حسين بس ..مش ام حسين باشا شفت الفرق بقى ...وبعدين هى اصلا اسمها ام ياسين بس ياسين مسافر مع ابوه ههههههههههه

بس خلاص ... يقول...

مسافه....
نورتينى ياقمر شفتى والنبى احنا ظلمناها هى مش ست مفتريه ولاحاجة.. شفتيها فى الصورة غلباااااااااانه

رئيس التحرير يقول...

انا والله فكرتها أم حسين ده ...اتاريها ام حسين التاني ...آآه كده معقول ابقي قولي علي الحاجات دي احسن يحصل سوء تفاهم وندب خناقه والعالم بيضرب بعضه اليومين دول ب.....شوفتي عمك فشكول؟الحقي اجري بس اول تعليق...خلي بالك في دوشه جامده هناك

بس خلاص ... يقول...

استاذنا العزيز ..انا دائمة الزيارة لحضرتك ..لان هذا شئ يسعدنى ويشرفنى ولكننى احيانا لااترك تعليقى لاننى اجد كلماتى صغيرة جداامام بحر كلماتك فلا تسعفنى التعبيرات فى التعليق .....
ازوركم لاستفيد وتزداد ثقافتى وانهل من بحر عظمتكم ...زيارتكم لى وسام الشرف نقدكم العظيم لكلماتى البسيطه المتواضعة شرف اكبر من كل قدراتى
_للابين ) ياستاذنا يعنى لاب توب + لاب توب وهو جهاز اكمبيوتر المحمول ....مش عارفة لغويا صح ولا لا
دمتم لنا ناصحين موجهين ..ولكل احبابكم

بس خلاص ... يقول...

استاذنا ومعلمنا ...بيرم الف الف سلامه عليك ..نتوجه الى المولى عز وجل بالدعاء لك بالشفاء بعدد كل حرف امتعتنا وفهمتنا وحكيت لنا بيه حكايات اللى ناسى واللى قاسى واللى تايه واللى نايم عن الحقوق واللى مستسلم واللى وطى علشان مايعلى واللى راح منه اليقين .. بان له رب خالق طب ليه بيذل الجبين ..
طيب بعد كلامك ده نقول ايه
غزة انت كنت باب النصر لينا فى عين جالوت
غزة عايشة فى قلوبنا غزة قطعا لن تموت
هل ياترى احنا لسه عايشين ولم نموت

14 ديسمبر, 2008 01:19 ص

بس خلاص ... يقول...

وليد الاسلام
شرفت المدونة اتمنى دوام الزيارة
---------
سمسم نورتنى ياسمسم..... انت سمسم مغارة على بابا ....طيب افتح علشان ندخل ناخد شويه دهب ياقوت مرجان
ههههه شرفتنى
-----------

بس خلاص ... يقول...

فشكول بك ..ازى حضرتك ...انشاء الله تكون رجعت بالسلامه من رحلتك ...ام حسين دى اللى هنسميها ام يسين علشان الباشا رئيس التحرير مايفهمناش غلط ست كانت جارتنا لو احك لك عمايلها دى عاوزة مدونات ...تعرف الاخر خالص ابو حسين رجع مصر غرقان فى الديون .... ربنا يسامحها هى واللى زيها
الف سلام وعظيم الاحترام لشخصكم كبير المقام

بس خلاص ... يقول...

استاذ رأفت ... عظيم احترماتى ....الاجمل هو كتابات حضرتك واتأريخ الجميل ...ياريت حضرتك تكتب لنا عن فترة اتاريخ الاسلامى ...وكمان الاستاذ فشكول بيكتب لنا عن التاريخ الفرعونى وده يبقى شئ جميل نشكركم عليه ويكون فى ميزان حسناتكم انشاء الله .... وبالنسبة لللاب توب التالت ...فى السكه ياباشا اى خدمة

بس خلاص ... يقول...

ذات النطاقين ...مرحبا بيكى ياقمر ..حلو جدا الاسم الجميل ده منحكى الله بركة هذا الاسم
----------
الاستاذ الغالى ...محمد غالى
تسعدنى كلماتك وتشجعنى وترفع معنوياتى جدا جدا
ارجو دوام الزيارة
جزاك الله كل الخير

-------------
ميرو مورى
ده انتى اللى كميله وعثل اعثل عثولة فى المعثلين ...نورتينى يا معثله قوى
----------
اقصوصة
شكرا على اطرائك دمتى لنا بذوقك ورقتك

mr_raafat يقول...

العزيزة " بس خلاص "
كل تحياتي واحتراماتي ...
وشكرا علي الإطراء الجميل والأسلوب الرقيق .
وبأذن الله أفعل إن شاء الله أتناول سلسلة من تاريخنا الإسلامي العطر المملوء بالشهامة والشجاعة والعزة والتي عبر عنها أكبر تعبير " الصحفي الجريء والعربي الصميم - المنتظر الزايدي -
تقبلي تحياتي والسلام عليكم ورحمة الله وبركاته

فشكووول يقول...

بس خلاص .. ازيك .. ما هو بقى مكتوب على ان كل يوم الف المدونات بس النهارده لازم الف عشان الناس اللى حتزعل منى واصالحهم .. على كل حال دا رأيى ودا فكرى وانامبسوط قوى وكنت خايف منك احسن تقودى المظاهرات وتهتفى بسقوط واعدام فشكول واتارى كل اللى بتخاف منه ما يطلع احسن منه وطلعتى موافقه .. يعنى ضمنيا على كلامى والحمد لله ما فيش لا سقوط ولا اعدام .. تحياتى يا بس

سمكه واحده يقول...

هو فعلا تلت تربع الابهات المسافره باره عن بنك فلوس او مش بيمثلوا اي حاجه لام حسين وعيلها غير الفلوس والماده وعلي فكره حاجه وحشه جدا جدا غياب الاب ودوره في البيت بجد وان الام هي تشيل كل المسؤليه منكرش ان في ستات كتير بميه راجل بس عشان الاطفال يطلعوا اسوياء ومتربين صح لابد من وجود دور الاب والام
محبش اللي يبقي مسافر في مكان ومراته وعياله في مكان تاني احيانا كتير الظروف هي اللي بتعمل كده
بس نرجع ونقول الله يخربيت اللي كان السبب مهو لو بلدنا تمام والاقتصاد كويس مكنش ناس كتير هجت وكنتش ام حسين طلبت ثلاجه ولا بوتجاز من بره
ربنا يصلح الاحوال ويرجع ابو حسين بالسلامه

المهم كيفك انت يا قمر وحشاني جدا وتسلم ايدك يارتري ام حسين عمللنا اكل ايه كمان انا اتاخرتلك حبتين واستني فيكي انك تيجي ابتا وفضلت طول اليل نايمه بجمب واحد عشان اوسعلك بس مكان ياله بقي المره الجايه بس تاعلي بدري عشان تلحقي
سلام يا جميل

Beram ElMasry يقول...

صباح الخير
اعتقد ان جمع لاب هو لابات والله اعلم
سلام

حياتنا الزوجية...(عضو رابطة هويتي إسلامية) يقول...

السلام عليكم ورحمة الله وبركاته

بجد جزاك الله خيرا رائعو والله

وعلي فكرة بتناقش عدة أمور منها

1: صفة من الصفات المذمومه في المرأة.

2: طريقة الخطاب مع الاخرين في الغربة

هكمل باذن الله

بنت الغربة يقول...

حبيبتى يعنى لازم تيجى على الوجيعه -انا قعدت سنتن زى ام حسين دى - لما ضغطى ارتفع وزهقت من المسؤوليه لوحدى -ساعتها حطيته قدام الامر الواقع -لو هتسافر احنا معاك او ارجع اققعد وبلاش سفر - صدقينى اللى بتتعب هى ام حسين مش جوزها اللى رامى المسؤوليه كلها عليها وشغال بنك بس - تحياتى ياقمر

غمض عينيك يقول...

غلبانة والله ام حسين دي
طلبتاها على قدها اوي هي وعيالها

صحيح ماهو بالمنظر دا هيفضل ابو حسين هناك وعمره ما هيرجع

منه لله حسين

بس حلوة وشكرا ع البسمة
تحياتي
محمد سمير

أبو العريف يقول...

باشا
مساء الفل
كل سنه وانت بخير تاني
جميله قوي يا باشا الموضوع دا ممكن يمشي معايا اصلي مسافر
وربنا يستر ومعملش زي ابو حسين
المهم
انا وصلني اكتر من طلب للاضافة فانا مش عارف ايملك مين فيهم

صبرني يارب يقول...

هههههههههههههههههههههههههههههه

حلوه حلوه حلوه

عجبتنى جدا

دمها خفيف جدا

واقعيه جدا

والله باشوفها بعينى ما حدش قالي

على فكره نص مصر بقت كده الشيبه الى بيشتغلوا ويشقوا فى الغربه ولا حتى مش غربه

والشباب قاعدين ملطعين يصرفوا فى فلوس اهاليهم

خيييييييبه بالويبه ووكسه بني وعيبه

شفـقــة و إحســــان يقول...

حلوة موت...تحفة بجد
تسلمى

بس خلاص ... يقول...

حياانت الزويه
السلام عليكم
مرحبا بك فى مدونتنا زائر عزيز وكريم ... تحياتى لاهل بنها جميعا
وكل عام وانتمبخير
تحياتى

بس خلاص ... يقول...

بنت الغربة .. بعد الشر عليكى ياقمر من الضغط ... تعب كلها الحياه
لكى الف تحيه

----------
غمض عينك
حمد الله بالسلامه أ. محمد سمير
شكرا على تشيفك وذوقك

--------
حد مش فاهم حاجة ... ربنا يخلى كلامنا خفيف على ام حسين ...وترجع بلدك بكل خير وسلامه

----------
صبرنى يارب
انتى بتقولى اشعار والله يا ام مريم
حتى اسمعى
خيبه بالويبه ووكسه بنى وعيبه
ايه الحلاوة دى
لكى مليون تحيه من قلبى وعينيه

بس خلاص ... يقول...

شفقه هانم واحسان بك
ايه النور ده والله ...طيب ياجماعة خليكوا قاعدين شويه الشاى على النار مايصحش كده
منورنى دايما والله

فشكووول يقول...

النهارده عندى يوم اللف العالمى لزيارد المدونات ..ورجلى وجعتنى من كتر اللف .. مش اللى يلف كتير يتعب .. تحياتى

أخبار المدونين يقول...

السلام عليكم ورحمة الله وبركاته

بارك الله فيك

وجزاكم الله خيرا نود مشاركتكم معنا في الحوار المفتوح مع مدونة عاشقة النقاب

لمتابعة الحوار وطلب المشاركة في الحوار ومعرفة يوم الحوار إضغط علي ملف التعريف
أو
كن معنا علي هذا الرابط
http://akhbarhawety.blogspot.com/

مع تحيات رابطة هويتي إسلامية

رابطة هويتي اسلامية يقول...

كل عام وأنتم بخير بمناسبة رأس السنة الهجرية.

يارب تكون سنة جديدة تحمل فى طياتها الامل لغد مشرق .

نرجو نكم مشاركتنا بأقتراحاتكم وأرائكم فى الرابطة

نحتاج مشاركتكم الفعالة

"رابطة هويتى اسلامية"

klmat يقول...

احم انا جايه متأخر اوى
معلش اعذرينى
دى مش ام حسين دى ام الغوله
جميله اوى التدوينه دى ودمها خفيف
عثل عثل
كل سنه وانتى طيبه وسعيده يارب

الحرامي يقول...

بيا ن رقم 1
بيان تأسيس العصابة
يشرفني انا الاستاذ / حرامي لص نشال

ان اعلن لكم عن تأسيس اول عصابة لسرقة المدونين

واحب اعرفكم اني خلاص بقي عندي عصابتي
واسلحتي ومفاتيحي وطفاشتي واعلن لكم جميعا عن ميثاق الشرف لتأسيس هذه العصابه

ويتضمن المواد الدستوريه التالية
1- ان لا يتم سرقة الا ما هو نفيس وغالي وعلي المدونين اللي أي كلام انهم يتطمنوا لاني مش هقرب ناحيتهم
اما المدونين المتميزين فيعرفو اني هسرقهم هسرقهم
2- اي عملية سرقة او سطو مسلح لن تتم الا بعد التهديد والوعيد يعني هبعت رساله للزبون اقوله اني نويت اسرقه
3- يتم ترك بصمات(تعليق ) علي كل مدونه تمت سرقتها عشان تعرف انها اتسرقت


4- يتم عمل نقطة بوليس (عندي في المدونه ) لتلقي البلاغات والشكاوي والتعليقات

5- لن يتم نشر اي موضوع الا اذا كان مسرووووق يعني انا مش هكتب حاجه من عندي

6- ان جيت في يوم واتقفشت فسوف اعلن توبتي وابطل سرقه واحل العصابه
وعشان تقفشني لازم تعرف اسم المدونة الاصليه بتاعتي اللي هيه مش سرقه يعني
- يتم نشر هذا البيان علي اكبر عدد ممكن من المدونات للعلم فقط
اعلانات مبوبه
اعلان لكل الجرايد الرسميه والغير رسميه
مطلوب مساعدين لحرامي.... علي ان يكونوا خبره لا تقل عن عام في السرقه والنصب والتدوين وعلي من يرغب في التقدم للوظيفه ارسال cv وصورتين او تعليقين
امضاء
الحرامي الكبير

Eyzinhyem يقول...

بجد جامدة اخر حاجة